No. 436. 1469. 23. Sept.

Vff hewt sonnabent nach Mathaei apostoli anno je. LX1X sint die meister vom hantwercke der lioltzschuer vor den rath koincn vnd desse nacligeschriben punckt vnd artickel zcubestetigen gebeten, die danne die rete mit vleis obirsehen, eygentlich gemerckt vnde dem egnanten hantwercke also bestetigt haben, dieweil sie nicht vnpillichs darinne finden noch verstehen, vnd woln das sie vom hantwercke vestiglieh gehalten werden sollen.

Zcum ersten sall eins meistens son sein vol hantwerck vngewonnen haben, das arbeitten vnd geprauchen, so fern ab er des hantwerges ist, vnnde eyns meisters tochter die helffte. Auch so sollen die iungsten zc\vene meister der kertzen warten vnd keyner des vertragen ader vßgeslossen sein bei VI pfennigen, so offt er das vorsewmen wurde. Item eine fraw noch tode ires niatines sall ir vol hantwerck haben vnd mit gesinde halden vnd arbeitten solange biß das sie widder zcu eelichein stände vnd leben kome. Item es sall kein meister mehir danne zcwene knechte vif dem hantwercke halden, hat er aber einen lehriungen, so sall er zcu dem hingen eynen kneeht vnd nicht zcweue haben vnd halden bei II pfunden wachs, so offt es geschee. Item es sall kein meister keynen iungen zeulernen anders danne vff zcwei iar vffnemen, so sall auch ein itzlicher leriunge zcwey iar lernen vnd den meistern II pfunt wachs zcu den kertzen geben; ouch sall nymant keynen vneelichen leren. Item es sall auch nymant meister werden, er habe denne zcwei iar nochenander vngeteilt bei eynem meister gelart; item so sall keyner für einen gesellen dynen noch crbeitten, er habe denne zcAvey iar ußgelernet. Item wer meister werden will vnd nicht bewibet ist, der sall das hantwerck in eynem iare drey wichfasten nach enan- der von den meistern muten, so danne sal mans im reichen; ist er aber bewibet, so sal mans im zcustunt zcu der ersten mutunge reichen vnd in darzeu vffnemen. Item wer danne also meister werden wil, der sal sein hantwergk nach gewonheit bewie sen; wert er danne des hantwerges tüchtig erkant, als danne sal er geben XX gute gr. in die buchsse vnd den meistern IIII pfunt wachs vnd darneben den meistern XV gr. zcu er collacien.

369

Item es sall auch keyns meisters frawe, die an iren eren berüchtigt were, gehen zcu den ändern frawen zcu irer samlunge. Item es sal nymant einer dem ändern sein gesinde abspenen nach auch widder des ändern willen nicht halden bei II pfunt wachs. Item wenne ymant vß dem hantwercke vorstorbe vud mit tode abginge, so sal man der leych zcur kirclie vnd widder hcyra zctibegrabenn vigilien seimessen vnd zcubegengniß noch volgen bei bussen eyns pfunt wachs. Item ein iczlich meister sal ein itzliche wichfaste geben II gr. vnnde I geselle I gr. ader der meister selbir. Item ap ein geselle lagerhafftig vnd krangk wurde, dem sal man uß der buchssen leihen das er zcunotturfft habe, das sal er widder beczalen so er frisch wirt, adder sich des widder irholen an seinen cleydern ader frunden. Item so ein meister deine hantwercke zcu eyme furweser gekoren wert, der sall es nicht absla- hen adder widdersprechen bei eyme pfunt wachs. Item der meister sall bestellen die kertzen zcutragen vff des hiligen waren lichnamstag vnd das Ion uß der buchsse nemen. Item so der meister nach den ändern des hantwercks ader eyme allein sen- dit in des hantwerckes Sachen ader geschenkten, sal eyn itzlicher vniürhindert zcu im kommen bei 3 pfunt wachs. Item es sall nymant den ändern in samlungen logen straffen noch mißhandeln in keinweiß bei I pfunt wachs. Item die meister des hant wercks sollen alle iar ein mall vif sant Michaelis marckt loesen vmbe die stete vff dem marckt vnd in iannerckten zcustehen. Item es sall kein meister fraw ader gesinde noch nymant dein ändern seine kaufflewte von seiner bilde zcu sich ruefen ader zeihen bey I pfunt wachs.

Die obgeschriben punckte vnd artickell sint fimvilligt durch alle drey rete biß vff widderruffen des rats vnd woln die von meistern gesellen vnd eyme itzlichen des hantwerckes so obingemeldit ist gehalten haben bei den obgnanten pen vnd bussen vngeuerlichen. Actum sub Hansen Trupitz proconsule et suis consulibus anno et die quibus supra.

Nach dem Rathsbuch fol. 73b im Archiv des K. Bezirksgerichte zu Leipzig.