Es habin die opgnantin rethe anno et die quibus supra forder gerathslaget vnde der statt, dem rath vnde der gemeyne zcu nutcz vnde zcu gedien irkant alßo vmbe das wynschenken, vnd setczin vnde irkennen keynwerticlich, das do nuhynfor- der eyn iczlicher, der do mit wyne vmbe ghet hantiret vnde den schenket, dem do wyn addir methe wirt yngeleit, wie vil des ist addir syn wert, der sal sollichin nyddirgeleiten wyn addir methe, so der nyddir geleit wert, gancz vnde gar vor- slegesehatczen vnde Vorrechten; es werde der wyn von deme, der 611 bey sich hat, widder vß gancz vorkouffet addir werde vorschanckt addir sust vßgetrunken, wie daß zcukommen mag, so sall es den rath an synem slegeschaczcze vnde an siner gerechtikeit riichtiß hyndern, eß sall dem rathe, wie oben vermeilt, der slegeschacz do von gancz vnde- vorfoll gefallen, es were denne das einer, der den wyn nydder vnde bei sich geleit hette, sollichen nydder geleiten wyn widder vß sinem kellire busßen die statt an ändern ende bei siner kostt vnde czerunge vnde uff syne eigene ebenthiiere an fromde stete addir lant schickte, sollichin wyn solde der selbige frie vnuorslegeschaczt vffladin vnde hyn wegk schicken vnde dorffte do von dem rathe nichtiß gebin: sust, wie oben vormeilt ist, sal ein iczlicher syne wyne vor foll, so er die bei sich geleit hat, vorslegeschactzen, ye den eymer mit so vil groschin, alßo vmbe vil pfennige eyn nösßil gegebin vnde vorschankt wirt, vnde do von sal man nymande nichtiß widdir gebin, vßgenommen alleyne die hochen wyne alßo Malmasier Reynfall vnde Welsche wyne, do sal eyn iczlicher, der die schenkett, von dem eymer nicht mehir gebin denne VIII groschzen der höchsten vnde besten were. Item so sal eyn iczlicher, der do behirwyne bei sich leit, die behirwyne die helfte vorslege- schatczen vnde die ändern helfte vmbe snst behalden.

Nach dem Rathsbuch fol. 9 im Archiv des K. Bezirksgerichts zu Leipzig.

342