No. 279. 1451. 18. Aug.

Sich habin vndir eynandir bereth vnd beteidinget Nickil Nepicz uff eynem teile vnd von syntwegin vnde Nickil Jhan, Hans Gobil, Hans Slauticz vnde Hans Zchelschen uff dem ändern teile von deß hantwerckes wegin der tuchraecher vnde syn eins wurden mittenander von deß hußes wegin in den cramen by dem torme gelegin, daz itzunt der obgnante Nickil Nepicz hat, alsdanne hir noch geschreben steint. Zcum erstin, so [sollen] dy tuchmecher durch daz selbige huß einen frihin gang habin dryer elin1) breit ane ydermans insage adir vorhinderunge. Item ap die tuch mecher rynnen le'gin adir ufczihin wurdin an ir huß, so sal Nickil Nepicz iczunt adir wer daz huß zcukunftiglichin hat rumen vnde stad gebin, ap syn huß doran hinderte, daz sollich rynnen geleget vnd uffgeczogin wurdin. Item vmb daz, daz Nickil Nepicz trauffe von synem büße in dy rynne leuffet vnd flust, so sal er als vehil zcu sollichin rynnen gebin vnd sturen als ein ander, der doczu pfleget zcu gebin. Daz nu sollich vortracht vnd voreynunge von in uff beiden teiln vnuorrucket vnde [vn] obirfarn gehalden wurde von beyden teiln, sint dy obgeschriben Nickil Nepicz uff eynem vnde Nickil Jhan, Hans Gobil, Hans Slauticz vnde Hans Zchelschin uff dem ändern teile von ires hantwerckes wegin uff daz rathuß vor eynen sitczenden rad körnen vnd solliche vortracht vnd voreynunge, daz dy vndir in gesehen, bekant vnd gebetin, dy ufzcunemen vnde andechtig zcu syn vnd dy in der stad buch zcu schriben, daz denne allis also gesehen ist. Factum sub Johanne Thummel procon- sule et suis consulibus2) anno doinini je. L primo feria 4te post assumptiouis Mariae.

Nach dem Stadtbuche fol. 78|J im Ratiisarchiv zu Leipzig.

Ueber das Haus neben dem Hause der Tuchmacher vgl. die Anm. zu No. 34.

1) Or. delin. 2) Or. suorum conmlum.

COD. DIPL. 8AX. II. B.

- 218