No. 371. 1464. 15. Apr.

Wir Friderich vonn gottis gnaden hertzoge zw Sachssen, des hailigen Romi schen reichs ertzmarschalh vnnd churfurste, lanndtgraue in Doringen vnnd marggraf zw Meissen bekennen vor vnns, vnnser erben vnnd thun kunth mit diesem briue allen den, die in sehen ader horenn lesen, wie das die ersamen weisen der rathe der stat Leypzck vnnser üben getrawwen an vnns haben gelangen lassenn, auch bewiß- lichen vnnd dutlichen vorgehaltenn, das vnnser stat Leypzck groß notturftigen buwes halben, schwerer nach reyß vnnd herfart, auch grosser sumen geldes, die sie vnns zw vnnser landt notturft vnnd merglichen fromen vf zinse vfgewonnen vnnd selb- schuldiglich vorschriben, auch vil der summen lange zeidt selbst verzinst haben an widerstatung, in gposen vnradt, schwere schuldt körnen sein, deshalben sie, wue es in Zeiten nicht vnderstanden wurde, in schaden fallenn mochten, daraus sie mit treg- lichem vnnd billichem vornemen nicht körnen mochten, habenn vnns irsucht flelych vnnd demutiglich gebeten, inen daraus zuhelffen, als wir das an vnnsern vnnd der vnnsern landt vnnd lewt schadenn thun mochten, vnnd die weise vorgehalten, nach dem bey inen in vnser Stadt ein gemein niderlage ist vnnd dry1) iarmarckt, dohin

l) Cupb: den.

303

zu seiner zeidt vill volckes vnnd außlendischer koufflewt körnen, vnnd als man in allen stetten, wue solch handel ist, einen schlageschatz liadt, der bey inen so schwa che vnd gering ist, als in keiner ändern Stadt, nemlich von den schogk ein pfennig, vnnd haben vnns fort gebeten, solchen schlegeschatz zwhoen vnnd den einen pfennig vif drey zuerstreckenn alles handels, der von frernbden außlendischen lewten vsser- halb vnnserm furstenthumb wonhaft geschehen wurde in kouffen verkouffen wechssei vnd buten, das dennoch kein ander stett schlegeschatz geringe zu schatzenn ist. Haben wir solch ir anbringen vnnd irsuchung notturftig, auch ir vorgehalten weise billich möglich vnnd nutzlich erkanndt vnd mit tieffem vorrat, vjeissiger vnnd zciiti- ger betrachtung, auch vnnser rethe vnnd heymlichen willen vnnd wissen solch macht gegebenn von vnnser fürstlichen macht vnnd mildigkait, geben inen die hirmit in craft dises briues, das sie in zukünftigen gezeiten von allem hanndel, aller wäre vnnd pfennigwert wie es nomen hadt nichts außgenomen von itzlichem koufman, der ausserhalben vnnsers lieben bruders vnnd vnnser furstenthumb wonhaft ist, in den merckten ader ausserhalben der merckt drey pfennig, die do in vnnserm fursten thumb genug vnnd gebe sein, zw schlegeschatz fordern vnnd nemen-) sollen, also sie an inen von alders bißher einen gehabt habenn, doch sol solch irhounge*) der zweier pfennig stehen bis vff vnnser widerruffen, vnnd von denn vnnseru in vnnsers üben bruders vnnd vnnserm furstenthumb wonend vnnd vnns zustehende mögen sie behal- den vnnd nemen den einen pfennig von dem schock, als vor alders bißher gewest vnnd von außlendischen vnnd inlendischen genomen ist; geben inen auch hirmit sol che macht, das sie vleissig darob sein, wise vnnd wege vornemen vnnd Satzung machen mögen, dordurch inen solcher schlegeschatz vor foll volgen möge. Vnnd ab der koufman ader ymands were, der ader die weren, [die] iren handel vsser- halben vnnser Stadt Leypczk gein Halle, Magdeburg ader in ander vrnligennde frembde stedte legenn vnnd treiben wurden, dem ader den sol aller hanndel in vnn serm furstenthumb vnnd sunderlichen in den iarmerckten zw Leypzck verbotenn sein. Vnnd auch ab4) an der vnnsern von Leipzck macht broch worde, so wollen wir inen durch vnnser vogt vnnd amptlewt beholffen vund beraten sein, dodurch sie solchs an jderman als obenberurt ist erlanngen mögen, doch hirinne außgeschlossen vnnser pristerschaft vnnd erbar manschaft, die domit vmbeladen sein sollenn, also sie auch vor recht vnnd alter gewonhait domit vmbeladeu gewest seind, on alles geuerde. Hirbey seindt gewest vund gezeugen die gestrenngen ernuehsten vnnd achtbarnn Hugold5) von Schleinitz vnser obermarschalgk, er Nickel vonn Schonnberg ritter vnnser lieben gemaheln hofmeister, Johannes Stadtschreiber vnnser cantzeler, Hanns Marschalgk vndermarschalgk vnnd Hanns von Tuchern, vnnser rethe vnnd heymlichenn lieben getrewen. Des zw vrkundt habenn wir gnanter hertzoge Fride- rich zw Sachssen vnnser innsigel an disen briue wissenntlich lassen henngen. Gege ben vnnd geschehen zu Aldenburg am sontag als man singet in der heiligen kirchen Misericordia ciomini nach Cristi vnsers hernn geburt thausent vierhundert vnnd dar nach im vier vnd sechzigstenn iaren.

Nach dem Copialbuch I. fol. 5 im Rathsarchiv zu Leipzig.

2) Cupb: monen. 3) Copb: irrungf.. 4) C'opb: als. 5) Copb: Huwold.

J *• v *

304