No. 366. 1463 fgg.

Locus deß nuwen gestiften almuß vor büß arme lute, das gestift ist sub anno domini MCCCCLX tertio.

Zcuni ersten sint gekornen zcu vorsorger deß almußs Nickel Schuman vnd Conradus Critzelmor(?), das sie alle wochen am Sonnabend geben sollen vß der cam- niern vtf der ecken bey dem Salczgesschen sybin armen mensschen brot fleisch vnde zcumuße, also vehl man vmbe II gr. gekeuffen mag, beß so lange das eß gebessert wirt. Darczu sint vff dem rathuße gekauft vff einen wedderkauff XII nuwe ß vnde VIII gr. der besten were noch lute der vorczeichnunge die ernoch folget.

Wir burgermeister vnnd rath der stat Lipczk bekennen —, das wir von dem ersamen Hannße Stockartte*) vnnßer frunde ein in den reten ingenommen vnnd ent- ptangen habin funffhundert vnnd zcweyvnnddrysßig alde schock vnnd haben die in vnnser stat nutz vnnd fromen gewant vnnd haben davor uff alle vnnser stat gutern

a) Hau« Stockart von Mainz wurde vom Kurfllrat Friedrich u. im J. U.ri5 als Mllnzmeister nach I-oipzig berufen. (Abschrift der Hestallungsurkunde im K. Haupt-ätaaunrcliiv 7u Dresden.)

COD. DIPL. SAX. H. 8. 38

298

nucz fromen zcugehoruugen geschosßin vnnd zcufellin vorkoufft uff einen widder- koufft zcwelff ß XII1I gr., vnnd er hat sollich gelt gegebin vnnd sollichen czinß gekoufft zcu eynem almuß vor huß arme lute vnnd eynem anhebin, ap ander innige milde lute das zcukunfftiglichen meren stercken vnnd besßern wurden. Vnnd wir haben zcufolfurunge sollichs almußen gesaczt vnnd gekorn zcwene besesßin burger mit namen Nickel Schuman vnnd Conradt Kryctzehnor (?), die alle wochen itczundt, die wyle deß czinßs nicht mehr ist, sybin hnßarmen luten, die darczu ußgenommen sint, gebin deß sonnabennds brot fleisch vnnd zcumuße alß vil sie deß vmbe sullich gelt koufiin mögen; vnnd der armen lute sollin iirczehen syn, die sal man uff zcwey parttie teylen uff ein teil syben, vnnd wenne man eyne woche den ersten sobin das almuß geteilt hat, so sal man eß die andere woche den ändern sybin gebin vnnd dornoch den ersten widder; wurde auch zcu dem almuß mehr gegeben vnnd gestuert, das man mehr czinße kouffin muchte, so sollin die zcwene gekorne vorstehr vnnd ire nochkommenn, die darczu geheischt werden, mehr darczu uffnemen uff deß rats wolgefallin, vnnd wenne sie die uffgenommen habin, ßo sollin [sie] die dem rate anttwortten, gefallen sie denne dem rate, so sal eß der rat bestetigen; deß glichen sollin sie auch thun, wanne von den uffgenommen eyus adder mehr todißhalbin abe- gehen adder abegesaczt wurde. Vnnd solliche uffnemunge vnnd ander schickunge deß almußes sal geschehen mit wisßin vnnd volbortt deß gnanten Hans Stockarts, dem wir vmbe syns grosßin flyß wegen, den er darbey gethan hath vnnd tegelich tut, sollichs behalden habin, das er zcukunfftiglich noch fordern flyß vnnd forderunge darbey thun sal, alß er wol kan vnnd weiß. Vnnd wir haben vns an sollichin czyn- ßen eynen widderkouff behalden; wurde eß sich denne begebin, das wir sollichin czinß widder abekoufn'n wolden, vnd alßo der anheber deß almußes öra noch synen erbin darane nichts behalden, auch brieff vnnd sygel deßhalbin nicht begert hath, sunder vns vnnd vnnßern nochkommen das uff vnnßir flyß vnnd truwe gesaczt hath, den armen luten getruwelich vorczustehen, das wir denne auch williglich uff vns genommen haben, so wollin wir denne an ändern enden vmbe sollich gelt alßo vehl czinße koufiin, alßo vehl wir können an den bequemlichsten steten alß wir irkennen mögen, vnnd wollin das auch mit sinem willen vnnd1) volbort thun die wile er lebitt, vnnd vns darynne flyßlich vnnd sorgfeldiglich bewyßen, alßo wir das vor gote dem almechtigen hoftin zcuuoranttwortten. Alßo denne von swachem gedechtniß der lute die ding in ein zcwyfel vnnd vnderstunden in gancz vorgesßenheit fallin, deßhalbin briefflich kuntschafft mit sigeln befestet vnnd bestetiget irstanden ist, die denne der egedachte stiffter von vns nicht begert hath noch haben wil, sunder sollichs alles genczlich zcu vns getruwelich uff vnnser wisßen gesaczt hat, das eß doch vnnßern Hochkommen wißlich sin magk vnnd zcukunfftiglich nicht in eyn vnwissen komme, so habin wir sollichs in vnnser statbuch schryben lasßin vnnd schryben das hirmit daryn zcu eynem ewygen gedechtniß, dein almechtigen gote zcu lobe vnnd den armen luten gute Vormunden zcusyne. Geschehen noch gots geburt tusent vierhundert vnnd dornoch in dem dryvnndsL'chczichsten iare. Wir vormanen vnnd bitten auch vnnser nochkommen mit fiysße, uff sollich gut werck der mildickeit ein flyßßig uffsehen zcu

li Or. mit vnnd volbort.

299

haben, disße schrifft ierlich zcuobbirleßen vnde daran zcusyii, das eß gehalden wirdet, daruß wir auch hoffin, eß solle genieret vnnd gestercket werden, vnnd beladen ir gewisßin hirmit.a)

Von anderer Hand: Anno 1464 hat der rath ulfgenommen von Hanßen Stockarte lc vnde IIII alde ß III gr., da vor hat der rat uff einen widderkonff vorkoufft zcu dem vorgeschreben almosen der armen litte V alde schog IIII gr. Anno 1405 hat der rath abir uff genommen zcu dem selbigen almoßen IIC vnde II alde ß, do vor hat der rat uff eynen widder kouff vorkoufft X alde schog vnde II gr.

Von anderer Hand: Anno je. 1469 hat das willige almuß dem rate aber Ic vnd IIII gulden geantwort, die der rath vffgenomen hat vff einen widderkauff, dafür sal der rath hinauß geben ierlich V gulden vnnd IIII gr. Factuni vff mitwoch noch Anthonii.

Nach dein Stadtbuch fol. Ü80 im Rathsarchiv zu Leipzig.

ftl Am Rnndo von anderer Hand: Item die LII aldo gr., die do zu düm almunzcn gehören, «al man gebin XXV[ vff \Valpurgia vnde XXVI alde gr. uff Michaelis.