No. 336. 1459. 14. u. 30. Aug.

Frederich von gotes gnade herczoge zcu Sachßcn je. korfforst, langraff in Doringe

vnd margraff zcum Missen.

Libin besundern. Noch dem ir vns von irsuchungen wegin Matteß Mocke- wicz also einen erczmarschallig deß heilligin Römischen richs vormant habet, daz wir die von Lipzck dar zu weiden vor mögen, dem gnanten Matteß Mockewicz vmbe syne erwonen Sache vor dem heymelichen gerichte genug zcu thunen je., haben wir mit forderim inhalde uwir schriffte wol vorstände, vnd vns ist vnuorburgin vnd wol in dencken, das der selbige Mateß Mockewicz von langest bisher gen eczlichin den vnserin zcu Lipiczk vnbillich vnde ane redeliche sache genotigit vnd sie weder vnsir bebestliche vnd keyßerliche fryheit manichfeldeglich vmb getreben hat, der wir douch ye zcu glich vnd rechte mechtig gewest vnd noch sint. Doch so haben sich die gnanten von Lipiczk alleczit mit vollen vnde rechten gebotin vnde ander not- dorfftiger wiße vnd wir also or naturlicher erbherre hir inne also bewißet, das wir vnd sie mit vns vortrostunge haben zcum rechten, das alle orteil proceß vnd irfol- gung wedder vnsir priuilegia vnd solliche volgebot geyn on vorgenommen vncrefftig tod vnd allir macht darben sullen, also das zcu syner zcyt wo es not wurde syn folliglichen wol erschynen sal vnd vor bracht werdin, vnd meyne wol, das ir vns nach dißer Sachen gestalt also nicht ersuchen forder geczugkenische nicht geben dorffet. Geheim zcu Lipiczk am dinstag vigilia assumptionis Mariae anno je. L nono.

So douch dißer briff clerlich vßwiset, den vnß der hochgeborn furste zcu geschreben vnd gesaut hat alzo obin gesclirebin stet, den wir echt vnd recht frygin schepphin haben . . . augscoltiret von worttin zcu wortin, das sage vnd bekennen das bey eren vnd eydin also wir hir noch geschrebin mit namen Michil Konigestal, Caspar More, Hans Czyring, Nickel Paul. Zcu warem bekentznisse wir mer gnante fryge schcpphen vnßer sigille vnden an dissin offin [brief] gehangen, der denne Peter Lücke vnd Hans Muller iczunt mitte gebruchen sint. Datum anno domini in ipso die Felici et Aucti L nono.

Nach dem Orig. im Rathsarchiv zu Leipzig mit wer wohlerhaltenen Siegeln an Pergamentstreifen.

34«

268