Wir Balthazar vnde Wilhelm, Friderich, Wilhelm vnde Jörge von goczs gna din lantgrauen in Duringen, marcgrauen zcu Mizsen, in dem Ostirlande vnde zcu Landisperg, grauen zcu Orlamunde vnde herren des landis zcu Plizsen bekennen vffinlichin vnde tun kunt mit disem geinwertigen briue, daz wir den ersamen wisen Ititen burgermeister, ratisluten vnde bürgern gemeinlichin vnde nemelichin der gan- czen gemeyne riebe vnde arm zcu Lipczk vnsern liebin getruwin, allen iren erbin vnde nachkomen daz dorf Vdericzsch by Lipczk vor dem Hellisschen tore gelegin mit alle dem rechte eren wirden vryheyten zcynsen gulden nuczen dinsten obleyen, mit dem kirchlehene vnde vorlehenten guten des dorfis, daz gerichte in dein dorfe, mit ackern wysewacb.se holczern wassirlouften vnde gemeinlichin mit allir zcugeho- runge besucht vnde vnbesucht nichtis vzgenomen, wie man daz entsemtlich adir besundern ymmer genennen mag, in sulcher mazze als daz vorgenante dorf Vde riczsch die gestrengin Rudolf von Bunow vnde sine brudere gesezzen zcu Ertmars- hayn vore von den edeln Meiher vnde Bertoldus burcgrauen zcu Mizsen zculehene gehabet habin, wider die seibin von Bünow daz ouch die egenanten vnsere bürgere recht vnde redelichin gekouft habin, die seibin leben wir ouch von den vorgenantin burcgrauen an vns bracht habin, gelegen habin vnde lihen ouch daz obgenante dorf mit alle siner zcugehorunge als obgeschribin stehet den obgenanten vnsern liebin getruwin gnediglichin von vns vnsern erbin vnde nachkomen geruwiglichin vnde erblichin ewiglichin zcu rechtem lehene zcuhabene vnde zcu gebruchene in allir mazze, als vorgeschribin stehet, vnde habin des zcu orkunde vnde merer Sicherheit vnsere insigele an disen brif lazzin hengin. Vnde wir obgenanten marcgrauen Wil helm vnde Jörge gebruchin des egenanten marcgrauen Friderichs vnsers bruder insigel, wenne wir eygener nicht enhabin. Darby sin gewest vnde sint geczuge die edeln Gebehard herre zcu Quernferte, Friderich von Schonburg herre zcu Gluchow, Conrad von Tanrode herre da selbis, die gestrengin er Heinrich von Loucha, er Ditherich von Wiczeleyben, er Friderich von Palenczk vnde andere lute gnug den

— 49

wol ist zcugloubin. Gegebin zcu Jhene nach goczs geburt dryczenhundirt iar in dem einvndeachczigsten iare am sunabinde nach vincula Petri.

Nach dem Orig. im Rathsarchiv zu Leipzig mit den Siegeln der Markgrafen Balthasar und Wilhelm an Pergamentstreifeu; das gleichfalls an einem Pergamentstreifen befestigt gewesene Siegel des Markgrafen Friedrich ist zum grössern Theile abgefallen.

Hörn Leben Friedrichs d. Streitb. S. 652 (nach dem Cop. 28 fol. 46 im K. Haupt-Staatsarchiv zu Dresden.)