No. 294. 1452—58.

Noch der obgeschrebin rechimnge, die do gcschach anno Lmo mit Baltasar Arras kammer- meister, bleib vnser herre dem rate schuldig IIIc vnde XX gülden noch lute eins briues, der in der cappelle lyt. Dornoch anno domini ic. L secundo leig der rat von bete wegin vnser gne- digin frauwen vnde ern Caspars bisschoues zcu Missin vnserm gnedigin hern IIII« flor., die qua- men gein Brux vff einen tag, vnde der bisschoff obgnant vude vnser frauwe haben sich vor sul- lich gelt selbschuldiglich vorschrebin, ut et in littera super hoc confecta. — Item also die von Aldeuburg vorbranten anno domini MCCCC L"10 circa festum Johannis, do muste der rat die czinße vor vnsern hern vßgeben, vnde die von Aldenburg hatten deß nicht zcugebin, vnde dar- vmbe wurden drii iarczinße alle iar IIIc XLVIII gülden vnserm hern zcugerechent von deß schadeloß briues wegin, den vnser herre dem rate alhir gegeben hath; das macht zcuhuffe drii iarczinße MXLIIII flor. beß uff anno L tertio beß uff Michaelis exclusive; das alles zcuhuffe gerechnt mit dein obgeschriben gelde facit XVIIc vude XLIIII flor. Vff die selbige cziit Mi chaelis anno LIII° solde der rat vnserm hern eine sture gebiu XIIJe gülden, die selbige sture wart zcu Dresden abegerechnt in praesentia cancellarii vnde Hans von Kokericz houemeisters; also blibet vnser herre dem rate noch schuldig V<= vnde XIIII gülden gerechnter schult, das in vnsers gnedigen hern registern vorczeichnt stehet. Anno domini L tertio sub doctore Jacobo leig der rat vnserm hern zcu notsachin, eczliche Slesiger soldener zcuuorgnugen mit namen er Herman Zcetericz :c. IIIc flor. Dornoch anno domini :c. L quiuto sub Reynharto Goltsmidc leig vnserm hern der rat abbir IIIc flor., die nam Hans von Kokericz vff in der voitye zcu Lipczk vnde antworte die Trupitcze dem gleiczmann doselbst.

(Item so hath der rat einen iarezinß anno L tertio anczuheben vff Michaelis vnd L quarto uff Walpurgis vor die von Aldenburg beczalt, das myn herre vor sie gebin sal. facit IIIc XLVIII flor.

Summa vnsers hern schult post proximum computum XIIIIC vnde LXII flor.)1)

Darane ist abgerechnt das houbtgelt, das zcu Lipczk gefallin ist CLXX ß, das hath der rat innebehaldeu uff rechnunge, do galt der gülden XXVI gr.; facit IIIC XCII flor. VIII gr.

Item der rat hath vnserm gnedigen hern gelegen zeit einer botschaft anno domini 2c. L septimo dominica Oculi hundert Rynissche gülden, da vor habin selbschuldiglich [sich ver- schriben] er Hillebrant vom Eynsydel marsschalk, er Jörge von Hugewicz canczeler vnde Hügel Tubenheym der iungen hern houemeister. Anno domini 2C. LVIII feria quarta post Laetare hath der rat einem kaufl'manne von Nuremberg Dittmar gnaut beczalt 1IC vnde LXX gül den vor golden ringe zcu der zciit, also man vnser frauwelyn marggrauen Albrechte gelobettea); de hoc constat Otten Spygele, er Hanße von Malticz, ern Jhane von Slynicz, ern Hillebrande von Eynsidel obirmarsschalke. Eodem anno feria 3» post Visitation!s hath der rat dem cam- mermcister geantwort vnde vnserm hern gelegen IIc gülden, das sulde zcu sture dem herczogin von Brunswig zcu siner loßunge. Darane hath er Jhan von Slynicz beczalt IIC alde ß obbir zcwei iar ernoch adder dobei, do galt der gulde J ß; facit G XXXIII gülden X gr.

Restat vnsers hern schult M C LVIII gülden.

Nach dem Stadtbuch fol. 2491" iin Rathsarchiv zu Leipzig.

1) DurclHtrichon. 2) Anna, Kurf. Friedrichs II. Tochtor, im J. 1450 mit Markgraf Albrocht Achillo* von Brandenburg vorm&hlt.

239