No. 205. 1440. 24. Apr.

Wir Peter Illeberg borgermeister, Hencze Winter, Reynhart Stoube, Henno Mi- schin, Hans Pristorff, Hans Hersfelt, Nickel Burburger, Hans Tumel, Heinrich Stange, Michel Rotaw, Hans Tawse vnde Hans Storckewicz ratmanne vnde gesworne czu Lipczk bekennen —, daz wir mit wolbedachtem mute vnde gutem vorrathe drier rethe vnde der ganczen gemeyne vnser stat Lipczk — verkoufft haben — uff eynen rechten widdirkoufft vnde abelosunge dem ersamen manne Conrad Papenmeyer borger czu Gottingen vnde der togentsamen frauwen Gesen syner elichen husfrauwen vnde noch irer beiden tode als von rechtes testamentes vnde selegeretes wegen dem nuwen spittal, den wir itzund vor dem Ranischen thore [buwen], der vormals eyn spittal gewest ist czu senthe Jörgen genant, XXVIII Rynische gülden an golde genge vnde gebe vnde swer gnug am gewichte, dovor vns der gnante Conrad Papenmeyer virhundert gute Rinische gülden gegeben vnde beczalet hat, die wir denne von im enphangen vnde in vnser stat nucz vnde frommen gewant haben. Dieselben XXVIII Rinische gül den ierlicher czinse gereden vnde geloben wir gnanten burgermeister ratmanne vnde gesworn vor vns vnde vnser nochkommen den gnanten Conrad Papenmeyer vnde Gesen syner elichen husfrauwen die wile sie lebin vnde noch irem tode czu dem genanten spittale in [czwei] geczyten des iares, XHII gülden uff Michaelis von data diß briffes nehistkommende vnde die ander helffte also XHII gülden uff Walpurgis schirst dar nach volgende, an bereitem golde gutlichen czu reichen vnde beczalen ane alle schaden, an allirley hinderniß geuerde vnde keynerley vorbietunge geist- lichs adir wertlichs gerichtes. Vnde were, ab wir gnanten borgermeister ratmann vnde gesworne vnde vnser nochkomen die gnanten czinse uff die vorschriben tage czyt.nicht beczalten vnde dar an sumig wurden, was denne die gnanten Conrad Papenmeyer vnde Gese syne eliche husfrauwe mogelichs schaden dartiff theten czu

157

cristen adir iodin, an briuegelde, an bottelon vnde nachreyßen, denn schaden geloben wir on vngeuerlichen vnde gutlichen mit dem vorsessen czinse ane allirley behelff vnde widdir rede czu beczaln. Vnde wenne die gnanten Conrad Papenmeyer vnde Gese syne eliche husfrauwe beyde von todis wegen gegangen sint, daz sie got am leben lange friste, so sullen vnde wallen wir gnanten ratmanne vnde gesworn vnde vnser nochkommenn solliche XXVIII gülden uff solliche tage czyt obinbeschriben denn armen luten in dem gnanten spittal, die wile wir die nicht abeloßen, reichen vnde geben, do von man denne den armen krancken luten vnde den allir notdorffti- gisten dor ynne als den mannes namen sehen eile vnde den frauwesnamen acht eile graw adir weisiß gewandes ierlichen czu eynem rocke geben, vnde welchem armen vnde krancken menschen sollich gewant man also eyn iar gegeben hat, deme sal man in czwen iarn nicht mehir geben, vnde wenne man den armen luten solliche cleidunge geben sal, daz sal man in den pharkirchen bie vns ierlichen acht tage czu vor vorkundigen laßen. Dorczu denn daz eyn sollich lobelich erlich testament vnuorhindert werde, sollen wir gnanten ratmanne vnde gesworn vnde vnser noch kommen eynen adir czwene vß vnserm rate vnde auch eynen adir czwene auß der gemeyne setczin vnde geben, der vnde die also solliche XXVIII gülden inmassen obingeschriben steint noch [dem] tode der gnanten Conrad Papenmeyers vnde fiesen svner elichen hußfrauwen von vns manen vnde sollich testament vsrichten sullen hin-

v

fürt, daz daz also ewichlichen gehalden werde. Ouch so haben wir obgnanten bürgermeister ratmanne vnde gesworn vor vns, vnser nochkommen vnde ganczer gemeyne an sollichen XXVIII Rinischen gülden, die wir also vorkoufft haben als obinberurt ist, eynen widdirkouff behalden, der an vns vnde an den obgeschriben vnsern gloubern vnde vorkouffern stehin sal; vnde wenne wir denne die gnanten XXVIII gülden widdir also noch tode des gnanten Conrad Papenmeyers vnde siner elichen husfrauwe abekouffen vnde abeloßen wollen, so sullen wir daz denn, die wir vß dem rate vnde der gemeyne den spital also obingerurt ist zcu vorwesen gesaczt haben, eyn virteil iares douor kuiith thuu vnde uff sagen, vnde sullen on die IIIP gülden mit den betageten czinsen widdir geben vnde beczalen an allirley geuerde vnde argelist. Die gnanten zcwene adir vier, die wir danne den spittal also obin berurt ist czu vorwesern gegeben haben, sullen sich . -1) bynnen eynez virtel iares noch der uffsagunge, daz man solliche IIIP gülden in gewisse stete mit des obge- scriben rates vnde irer nochkommen volburt willen vnde wissen legen vnde brengen [mag]. Uff daz daz sollich gotlich vnde lobelich testament selegerethte vnde almußen alle iar ewiclichen von den renten gehalden vnde die cleidunge den armen luten inmassen obinberurt gegeben werde vnde daz alle disße stucke artikel vnde rede festiclichen vnuorbrochen gehalden werde, haben wir gnanten burgermeister ratmanne vnde gesworne vor vns -vnde vnser nochkomraen vnser stat ingesigel an dissin briff mit guten willen vnde wissen lassen hengen, der gegeben ist noch Christi gebort virczenhundert iar dar nach in dem virczigistim iare an seuthe Jörgen tage.

Nach dem Stadtbuche fol. 266 im Rathsarchiv zu Leipzig.

1) Or. vnrcltiten.

158