No. 458. 1471. 4. Nov.

Wir von gots gnaden lernst vnd Albrecht gebruder herczogen zcu Sachssen je. bekennen in discm vnserm briue. Noch dem wir zwisschen den retheii zcu Lipczk, Hans von Trupicz vnd Tyle Hertwige eyner rechunge halben mercgliche irrunge vormerckt vnd wir die gnanten gebrechin, auch dy rechunge von beyden teiln gnug- lich vorhort vnd sint ingetruwen vnd zcuuorsicht, das sye sich vff allen teiln dorynn als frome luthe ghalden, das wir auch nicht anders wissen, dorvmb so haben wir dy sachen von allen teiln zcu vns genomen vnd sye alle der gebrechin, dy sich der sach halben zwisschen yn vorlaulfen haben, gutlich geeynt vnd gericht. Vnnd vff das furder zweitracht vnd vneynikeit, dy sich zw-isschen yn erheben vnd yr aller, auch vnser gemeyn Stadt vnradt doruß Hissen mocht, vormyden blebe, so haben wir geschafft, das dy gnanten Trupicz vnd Hertwig des rats vnd des schophen ampts mussig gehen sollen, solchs wir nicht dorvmb gethan, das dy genanten Trupicz vnd Hertwig sich also vorhandelt hetten, ader vßfundig worden wrer, dorvmb sy sohlen entseczt werden ader das yn solchs yren eren ader lewmut zcu nahen sein ader dodurch solden getadelt werden, das vnser meynunge nicht ist, auch das solchs von keinem teil dem ändern ader yren erbin in vngnt soll vffgeruckt ader zcu wider- wertikeit geeffert werden, vnd wu wir das erfunden, von welchem teil das gesehen were, den wolden wir darvmb straffen, das er vnser swerer vngenade dorynn vor merken selde. Sunder ab wir der gnanten rechunge halben furder vnderrichtung haben wolden, sal vns Trupicz vnd Til Hertwig thun, wenn wir sye dorczu fordern werden, des sy sich alwege zcuthun erboten haben, doch was sy dem rathe gelige- ner schult ader sundeliehs vffgenomens geldes schuldig, dy nicht beczalt adir vnder richtung gethun können, das sy dy in des rats nucz vnd frumen gewandt hetten, das sullen sy dein ratd beczalen, doch sal das vff dy gnanten rechung nicht geczo- gen werden. Des zcuorkund habin wir vnser ingesigel :c. Actum Leipczk anno je. LXX primo feria secunda post Symonis et Judae.

Nach dem Cop. ")!i fol. 3'2'J im K. Haupt-Staatsarchiv zu Dresden.

Cül*. DIPL. 8AX. II. S. 4J(

380