No. 516. 1481. 18. Mai.

Vonn gots gnaden wir Ernnst des heiligen Römischen reichs ertzmarschalk kurfurst vnd Albrecht gebrudere hertzogen zu Sachsen — bekennen —, das wir vnsern lieben getrauwen dem rate vnd gemeine vnser stat zu Liptzk vmb yrer tra- wen annemen dinste vnd vleissigen bete willen — sibeu acker holtz ym Nidderholtz an der gemelten stat viheweide neben der Kammermeisterin holtz gelegen von vns zu lehn rurend —, in allirmasse Hans von Lewtzsch die von vnns redlich zu lehn herbracht innegehabt vnd gebraucht, yn die nu verkauft vnd zu vnsern banden auf gelassen, zu erb vnd stat gut gereicht vnnd verlihen haben mit allem rechten, so vnns doran zuuorleihen vnd zuuorerben geburt —. Hirbey sind gewest vnd

424

getzewgen vnnser rete vnnd lieben getrauwen Hugolt von Sleinitz vnser obermar- schalh, er Caspar von Schonberg ritter vnd ander vnser manne vnd diner glawb- wirdigcr gnug. Zu vrkunde mit vnnserm hertzogen Ernsts anhangendem insigel, des wir hertzog Albrecht hirtzu mitgebrauchen, wissentlich vorsigelt vnd geben zu Liptzk nach gots geburt tausent vierhundert vnd dornach im einvndachtzigisten iaren am freitag nach Jubilate.

Nach dem Orig. im Rathsarchiv zu Leipzig mit dem Siegel des Kurfürsten an einem Pergamentstreifen.