Friderich von gotsgnaden, hertzog zcu Sachssen, landgraff in Doringen

vnd marcgraff zcu Missen.

Lieben getruwen. Vns ist furbracht, wie der ernwirdigste ingot vater vnser herre vnd frund er Friderich erczbisschoft' zcu Magdeburg mit der stad doselbst zcwene iarmargte vsgesaczt haben, der ehrste sich an dem virden tage nach assumpcionis Marlae schirsten zcu Magdeburg an lieben vnd der andere virczehn tage nach ostern doselbst sin sal. Vnd so danne solche zcwene iarmargte vns, vnsern landen vnd steten, ab die Vorgang gewonnen, in velen sachen gancz verter- plich vnd schedelich worden, haben wir deshalben alhye zcu Missen uff dissem iar margte vßrufen, verkündigen vnd bie vermydunge vnser swere vngnade vnd verli- sunge libes vnd guts, das nymant der vnsern, welchs stats wcsens ader geschicks er sie, den nehsten iarmargt des virden tags nach vnser lieben frauwen tage wurczewyhe schirsten, noch desglichen den ändern virczen tage nach ostern zcu Magdeburg besuchen solle, verbiten lassen,, von uch mit gantzem ernsten flisse begerende, desglichen den vnsern bie vch ouch offenbarlich zcuuerkundigen vnd zcuuerbiten bie sollcher pena, der Magdeburgisschen iarmargkte uff beide zcyte wie vor gertirt ist nicht zcubesuchen. Wu darüber ymant des anders halden wurde, liaben wir vnsern amptluten daruff zcu halden, sye widerumbe zcutriben vnd zcu übe vnd

193

gute zcugriffen ernstlich entpfolen, vnd deßglichen ändern vnsern steten ouch ernst lich geschriben, eyn yderman sich wissen darnach zcurichten. Vnd haldt des nicht anders, das ist vnser ernste meynunge vnd kommet vns ouch von uch zcudancke. Geben zcu Missen am donrstage nach Donati anno domini je. XLVIIIVÜ.

Deme rate zcu Lipczk vnsern üben getruwen.

Nach dem Orip. im Bathsarchiv zu Leipzig.