Friderich von gots gnaden hertzog zcu Sachssen :c. kurfurst, lantgraue in Doringen

vnd marcgraue zcu Missen.

Vnnsenn voyte gleitzmann hußschriber vnd forster zcu Liptzk. Lieben getru- wen. Die gotforchtigen vnd innigen gardian vnd gantze conuent des. Barfussen closters zcu Liptzk vnser lieben andechtigen haben durch mergliche bewegung vnd orsache sechsvnddrissig acker holtz mit dem bodem vnd geniesse für vnser stat Liptzk im Rosental gelegen in durch vnser alteldern zcu eigenthum vorschriben für vns mit obirantwortung ires fürstlichen briues uffgelassen vnd des eigenthums sich verzeihen, sulch holtz wir ferrer dem burgermeister rate vnd gantzen gemeynen vnser stat Liptzk ane alle Widerrede des gardians vnd conuents vorgnant vorschri ben vnd gegeben haben, also das vnser fürstlicher briff den burgermeister rate vnd gemeynen doruber gegeben ußwiset. Begern wir von uch, das ir sulchs holtz nein lich sechsvnddrissig acker mit dem bodem vnd genisse den burgermeister rate vnd gemeyne zcu Liptzk gewehret, sie yn die gewehre des holtzs bodems vnd geniszs setzet vnd brengit, sie dobie von vnserwegen hanthabit vnd schutzit also sich das in rechte geboret vnd anders was not sin wirdit zcubehertung des holtz bodems vnd genisse tut; das kompt vns von uch zcugutem dancke. Zcuurkunde mit vnserm uffgedruckten insigil vorsigilt vnd gebenn zcu Torgaw am Sonnabende nach Bricii episcopi anno domini je. L octavo.

Nach dem Orig. auf Papier im Rathsarchiv zu Leipzig mit dem auf der Rückseite aufgedrückten Siegel.