No. 332. 1458. 1. Nov.

Fridcrich von gots gnaden hertzog zcu Sachssen, des heiligen Römischen richs ertziuarschalk und kurfurste, lantgraue in Donngen vnd marcgraue zcu Missenn.

Allen vnd iglichen vnnsern prelaten grauen herrn fryen rittern knechten ampt luten richtern burgermeistern reten vnd gemeynen der gebyete slosse stete merckte vnd dorffer in vnsern furstentlmmb ligende vnd sust allermeniclich den vnsern, den diser vnser briff furkompt vnd erzceiget wurdit. Lieben andechtigen vnd getruwen. Wanne wir auch vnsern lieben getruwen burgermeister ratmanne vnd gemeyne vnser stat Liptzk vmb derselben vnser stat besserung vnd uffkomens, auch von gemeyns nutzs vnd fromens willen gnediclich gegunst zcugegeben vnd vorlihen haben, das sie vnd ire nachkomen nu fürbaß zcu ewigen zcyten ierlichen ein iarmarckt in derselben vnser stat Liptzk haben vnd halden mögen, der uff den heiligen nuwen iars tag ange hen vnd bestehende bliben sal biß uff der heiligen dryer konige tag nehst darnach volgende den tag gantz uß, als das vnser briff yn doruber gegeben innheldit vnd ußwiset, dorumb von uch allen vnd eym itzlichen in sunderheyt ernstlich begernde, das ir die vorgnanten burger und inwoner vnser stat Liptzk, auch alle ander kouff-

264

lute und icliche person, die den gnanten iarmarckt mit kouffmanschatz vnd allen ändern dingen besuchen, dorzcu körnen, die zcyt doselbst beharren vnd auch douon wandern werden, an iren personen habe vnd gute in einichen Sachen wider recht durch uch selbs ader ander nicht irret hindert noch beleidiget, das auch nicht zcu- tun bestellit, sundern sulchen iarmarckt handhabit furdert vnd noch uwer notturfft besuchet. Des nicht anders haldit, also lip uch sie vnser grosse vngnade straffung und pene zcuuormyden. Das kompt vns von uch allen vnd uwer itzlichem in sun- derheit zcugutem dancke. Geben zcu Rochlitz am mittewochen Allerheiligentage anno domini je. quinquagesimo octavo.

Nach dem Orig. auf Papier im Eathsarchiv zu Leipzig mit dem auf der Rückseite aufgedrückten Siegel.