Ich Vlreich ze den zeiten Pharrer daez Czwentendorf, vnd Gerunch vnd Chunrat mein prueder vnd vnser erben wir veriehen,

253

— daz wir von vnserm weingarten, der da haizzet der Ger, vnd den wir gechauft haben recht vnd redleich von Nyclan von Narczendorf vnd vrown Margreten, seiner hausvrown zehent vnd anderthalben Emmer perchrechts dem Gotshaus ze Newenburch an alle widerred dienen schullen vnd verrichten. Wir sullen auch den selben Weingar ten nindert geben noch verschafhen auf Chloster, noch auf Gots- hövser, da van daz Gotshaus ze Newnburch seinen zehent oder perch- recht auf demselben weingarten Verliesen mochte. Wer aber daz vns notdurft, oder ander sach, wie die genant sint, darzu bedwungen, daz wir vnd vnser erben den selben weingarten verwandeln oder verchauffen wolten, Dez schulle wir vollen gewalt haben ze wurichen vnd ze chauffen geben den, die vns aller maist dar vmb gebent, vnd auch diu dem Gotshaus ze Newenburch vmb zehent vnd vmb perch- recht gewis sint. Daz lub wir ze Iaisten pey vnseren trewen an allez gever, vnd mit vrchund dicz priefes versigelt mit mein vorgenants Mreichs pharrer von CzwentendorfInsigel, vnd mit vnsers vettern Insigel, hern Vlreichs des Pharrer von sunt Stephan auf dem Wagram. Daz ist geschehen — Dreutzehen hundert Jar darnach in dem fumf vnd Dreyzzigistem Jar des phineztags nach dem eben weich tag.

Chartularium Archiri III. d.i. 107. a.

St. Stephan auf dem Wagram ist Kirchberg am Wagram.