Ich Rueppel des Vischer Svn von Nuzdorf vnd ich Anna sein hausvrow wir veriehen — Daz wir — mit vnsers Perchherren hant,

346

des Erbern herren hern Leutolts von Potcndorf verchuuft haben vnsern Weingarten, des ein halbs Jeuch ist an ein zwelftail, leit an dem Stainpüchel ze Nuzdoif ze naechst des Erbern herren Wein garten , bern Ruedolfs des Truchsaeczen, Pharrer ze Newnburch, da man alle iar von dienet ein viertail vnd vier Stauf weins ze Perch- recht, vnd ein helblinch ze voytrecht — vmb Sechs vnd fnmfczich phunt wienner phenninge — den Erbern Pharrleiüen gemain ze Enczestorf, die in zu einer rechten widerlegung gechauft vnd gemacht habent fur vier phunt wienner phenninge geltes Purch- rechtes, di man vor von der Pharre Sand Katreyn dacz Enczestorf alle iar gedient vnd geraicht hat der Pharre hincz Sand Gilgen ze Newnburch, die selben vier phunt geltes Purehrechtes sint mit dem vorgenantnn vnserni Weingarten genczleichen vnd gar abgelediget vnd gelost, also daz er furbaz ewichleieh pei der Pharre dacz Sant Gilgen ze Newnburch fur die egenanten Gült schvl beleiben — Dar vmb so geben wir in disen prief — versigelten mit vnsers Perch- herren Insigel, des vorgenanten berren hern Leutolts von Poten- dorf, vnd mit der erbern Leute Insigel hern Jacobs von Nuzdorf, bern Duringes Svn von Sevelt vnd mit hern Nyclas Insigel in dem Perchhof dacz der Heiligenstat — Diser prief ist geben — Dreu- tzehen hundert .Iar dar nach in dem drev vnd fumfczigisten iar an dem nachsten Svnntag nach dem Phingstage.

Chartularium Archivi Ill. foi. 131. b.

Lang - Enzersdorf war im Jahre 1326 mit Einwilligung des Stiftes zu einer selbständigen Pfarre erhohen worden, dessen jeweiligen Pfarrer der Pfarrer von Korneuburg einsetzte, und von ihm jährlich 8 Pfunde Pfennige erhielt. Die Hälfte davon lösen nun die Enzersdorfer Kirchenkinder ein, indem sie statt derselben einen Weingarten zu Nussdorf kaufen, und der Kirche zum h. Ägid in Korneuburg übergeben.