Ich Olot von Recz vnd ich Christein, sein hausvrowe veriehen — Daz wir — nach rat meiner Christein nachster vnd pester vreunt, Gebharts von sünnberch vnd Dyetreichs von Eczensdorf, meiner vetern, vnd Hainreichs des Hutstochs von Hadmarsdorf— recht vnd redleich verchauft vnd geben haben mit furzicht vnsers rechten vreyn aygens ein hof gelegen ze Hadmarsdorf ze naechst Chunrats des Pinter vnd fumf Jeuchart akchers daselbs gelegen im dem Sma- lenlüzzen ze naechst dem Chrichen, daz alles von mein Christein vater vnd Müter her chomen ist, vnd ist auch mein rechts getailts guet mit furzicht von meinem Pruder, Chunraten von Eczendorf — vmb Dreyzzich phunt wienner phenning — dem beschaiden mann Vlreichen dem scherffinch ze Hadmarsdorf vnd. vrown Agnesen, seiner hausvrowen, dy dev selben aygenschaft von vns gechauft haben vnser vrown Gotshaus ze Newnburch, dem wir die selben aygenschaft auf gegeben haben fürbaz ze haben vreyleich vnd ledich- leich an allen chriech — des geben wir dem Gotshaus vnser vrown ze Newnburch disen prief — versigelten ich Olot vnd ich Gebhart mit vnserm aygen bisigeln, auch sein wir, Ich Dyetreich von Eczensdorf vnd Ich Hainreich der Hutstoch der egeschriben red vnd wandlung gezeug mit vnsern Insigeln — Der prief ist geben — Dreuzehenhundert Jar dar nach in dem vier vnd fumfczigistem Jar an sand Merten abent.

Chartulariam Archiri III. fol. 101. a.

Hadmarsdorf ist der heutige Ort Harmansdorf, nördlich von Korneuburg.

Aus der Familie der Hulstoch, die bisher immer als in Klosterneuburg sesshaft erschienen, kömmt hier Einer mit dem Zusatze: von Hadmarsdorf vor, er hatte sich also in der letzteren Zeit dort angesiedelt, und den Zusatz ange nommen zum Unterschiede von dem Klosterneuburger Hauptstamme.

358