Dat. Wien 24. April 1320.

Ich Chvnrat der Gnävzze von lobstorf, vnd ich Chvnigunt, sein hausfrawe, vnd ich Chvnigunt des vorgenanten Chvnrades tochter, wir veriehen — Daz wir— gegeben haben durch vnser vodern sel willen vnd auch durch vnser selber hail sel willen zwai leben ze veld, die da ligent ze Reinoltstorf, vnd vier hofstet ze dorfe da selbens ze Reinoltstorf — dem Erbern herrn Probst Stephan von Newnburch vnd der samnunge gemain des selben Chlosters — Iz suln auch die, die di vorgenanten zwai lehen ze Reinoltstorf Inne haben, dienen alle Jar dem egenanten Gotshaus ze Newnburch an sant Jorgen tag achezig wienner phenning vnd von den vier hofsteten daselbens Sechzehen wienner phenning auch an sand Jorgen tag alle iar. — Vnd geben In dar vber disen Prief— versigelten mit vnserm Insigil. Vnd sind auch des geczeug her Jans von Sierndorf, her Gerunch der Chol von Newnburch, her Symon von Pellendorf, Dvrinch von Seveld, Otto der Schrälenperger, Otte sein svn, Otte der schaffer, Reinhart sein prueder, vnd ander frum leute genuch — Diser Prief ist geben ze Wienne — Dreuczehen Hvndert iar in dem zwainzigi- sten Jare darnach an sant Gorgen tage.

E Chartulario Archiri III. fol. 56. a.

Lobstorf ist Losdorf K. U. M B. bei Staatz, Reinoltstorf halte ich für Rannersdorf bei Prinzendorf K. U. M. B.