Ich Clwnrat gweltel von Amaiztal Vergich — Daz ich geben ledichleichen ein Hofstat meins vrein aigens fridreichen dem Weisman von Amaiztal vmb ein phunt phenning Wiener Munzze, die selb Hofstat ist gelegen ze naechst des vorgenanten Friedreichs Hof auf dem graben dacz Amaiztal. Ich egenanter Chunrat gweltel Vergich auch, daz Ich mein guten willen hab gegeben darzu, daz der vorgenant Fridreich Weisman hat gebidempt die vorgenant Hofstat vber tuenaic hincz Neunburch in der herren Chloster auf vnser vrown alter, vnd hat ir aufgesaczt ze dienst vnser vrawem Ein phenning geltes Wienner Munzz an sant Jorgen tag. Wan dise sach gechehen vnd gewandelt ist zu den zeiten, do her Stephan der Syedendorfer gewaltiger Brobst gewesen ist, vnd auch Stifter vnd Storer des vorgenanten Chloster ze Newnburch. Ich Chunrat gweltel lob auch daz mit meinen trewn, daz ich dem vorgenanten fridreichen die vorgetiant Hofstat scherm schol vor Juden vnd vor Christen nach des Landes recht gewanhait in Osterreich. Daz dise red stet vnd vnzebrochen beleih, Dar vber geb ich vorgenanter Chunrat gweltel disen prief— versigelt mit mein anhangenden Insigel. . Iz ist auch zeug diser sache der vorgenant her Stephan der Syedendorfer, Brobst von Newnburch mit sein aygen anhangenden Insigel. Der prief ist geben — Dreutzehen hundert Jar, darnach im dritten und dreizzi- gistem Jar des naechsten Svnntags nach dem phingstag.

Cbartolarium arehiri III. foi. 112. .1.

Ameisthal, ein Dorf hinter Stockerau. K. U. M. B.