Ich Hermann von Grassawe vnd ich Margret sein Hausfrawe, wir vergechen — Daz wir — mit fuerzicht vnsers rechten lebens zwaier lechen, die wir ze Iechen von dem Goteshaws ze Neunburch haben ainez verchauffet haben, daz gelegen ist ze Rekleinstorfze nachst der pulka — dem beschaiden manne Symon dem Taler vnd seiner hausfrowen Margreten — vmb acht vnd dreizzich phunt wienner phenning, vnd die selben lechenschaft des selben lechens haben wir durch vnsere vnd vnserr vodern sele willen gegeben auf vnser frowen alter in daz Goteshaus ze Neunburch chlosterhalben also heschaidenleich, Daz der vorgenant Symon vnd sein hausvrow Margret vnd ir erben — furbaz alle iar davon dienen vnd geben sullen ze rechtem purchrecht an sand Gorgen tag drizzich phenning wienner mvrzze hincz Neunburch auf vnser frowen alter — Dar vber geben wir — disen prief versigelten mit vnserm iusigel. Mit den erbern gezeugen, di hernach geschriben stent. Her Gerunch der chol, Her Dietreich der Schiver, her Chunrad der Nuzdorfer, Dvrinch von Mewerling, Wisent von Ruekestorf vnd ander erber lewt genuech. Der prief ist geben — dreuczehen hundert iar In dem funif vnd zwainczigistem Jar dar nach an sant philippes abent des heiligen zwelfpoten.

Orig. Perg. Das runde Siegel, in gelbem Wachs, hängt an Pergamentatretfen. Im drriceki- gen Schilde ein schräg gestellter Korb, mit zwei in der Mitte zusammeulaufenden Handhaben. Umschrift: + S . HERMANI . DB . GRASAV.

Roekleinsdorf ist Roggendorf, K. 0. M. B., 1 Stunde von Pulkau, ein Pfarr dorf von 52 Häusern.