No. 236. 1274. 5. Juni.

Gregorius episcopus servus servorum dei dilectis filiis . . praeposito et Henrico de Grunimberc canónico Magdeburgensi salutem et apostolicam benedictionem. Sua nobis venerabilis frater noster .. episcopus Misnensis petitione monstravit, quod venera- bilis fraterfnoster]") . . Brandeburgensis episcopus falcem in messem alienam mittere ac in Copenic, Lichtemvalde ac aliis pluribus villis Misnensis diócesis iurisdictionem episcopalem [indebite]") exercere praesumens, a clericis et laicis villarum ipsarum iura episcopalia tanquara diocesanus contra iustitiam exigit et extorquet in ipsius Misnensis episcopi praeiudicium et sedis episcopalis Misnensis non modicum detrimentum. Quo- circa discretioni vestrae per apostólica scripta mandamus, quatinus vocatis qui fuerint evocandi et auditis hinc inde propositis, quod canonicum fuerit, appellatione remota decer- natis, facientes quod decreveritis auctoritate nostra firmiter observari. Testes autem qui fuerint nominafi, si se gratia, odio vel timoré subtraxerint, per censuram ecclesiasticam appellatione cessante cogatis veritati testimonium perhibere. Datum Lugduni Nonis Junii pontificatus nostri anno tertio.

Nach dem Orig. im K. Haupt - Staatsarchiv zu Dresden mit dem Bleisiegel an hänfener Schnur.

a) Unleserlich gewordene Stellen; die ergänzten Worte in eckigen Klammem.