Wir Katherina von gotis gnadin marggrefin czu MiCen, Friderich vnde Wille- helm ire sone von gotis gnadin ouch marggrafen doselbins bekennen ynde thun kunt vffintlich mit disim briue, daz wir entsonptlich mit eynander vnde vnser iglich bysundirn geret vnde gelobit habin in guten truwen dem ersamen ern Hermanne schulmeystere czu MiCen doctore des geistlichin rechten, were daz er von der bot- schaft wegin vnde legacien, die er tut durch vnsern willin geyn Frankrich, an sinen geystlichin lehen wo er die hat, beteydingit adir vff koste gedrungen worde, daz wir die koste tragin wollin vnde sullen yn dez benemen ane argelist; were abir daz ym die lehen von der sache wegin abegingin oder der gepriueret worde, so sullen wir ym ander lehen als gut vnde der glich in eyme virteil iares widir schicke getruwelich vff vnser koste, die koste, abegang vnd priuatien siner len er vns doch kuntlich sal machin ane geuerde. Schigten wir ym abir die lehen nicht widir oder der glich, als obin gescriben stet, so globin wir ym czu bewysene ynnewendig des selben virteyl iares czwenczig schok nuwer groschen ierlichir gulde vnde czu syme libe [czu] vorscriben vz vnser mfincze zcu Friberg oder in andirn vnsern guldin, do sy ym gewiis syn, als lange daz wir ym die obgnant sine lehen widir geschigkin oder andere der glich vff vnser koste; vnde habin ym des disin briff czu sicherheit mit vnsern Katherinen vnde Friderichs anhangendin insigeln vorsegilt gegebin, der wir Wilhelm mit gebruchin, wan wir nicht eygins insigils habin. Hirbie sin gewest die edeln die ersamen vnde die gestrengin er Friderich grafe von Orlamunde herre czu Droczk, Heinrich herre czu Gera, er Friderich von Palenczk, er Johans techand czu Nuemburg, er Offe von Slywin vnd er Dither. von Kempnicz.

Aus dem Liber priv. im Haupt-Staats-Archiv zu Dresden XXXI. fol. 57b.