Wir Rudolph von gotis gnaden bisschoff zcu Missen bekennen — das wir schuldig sint — dem gestrengen knechte Vlman von Molbach, her Jane von Schon- felt zcu Nuenhayn gesessen, her Gerharde von Kynsch zcu Kotbus gesessen vnd Agnisen Vlmans eliche husfrauwen vnd syn erbin vnd zcu getruwir hand Jane von Schonfelt zcum Redirn gesessen dry hundirt schog gutir Behemischer grosschen vnd funff schog Pregir czal, do eyn iczlichir biddirman den andirn wol mitte geweren mag, der wir im hundirt schog vorczinsen sullen vnd funff schog grosschen vor den selbin czins beczalen sullen, vnd dy andern czwei hundirt schog vor gebuwede getreide schaden vnd alle bruche vnvorczinsit schuldig syn, also wen wir dy beczalen, das wir von dem andern ledig vnd los syn. Dy vorgeschrebin drihundirt schog vnd funff schog gloubin wir Rudolph bisschoff zcu Missen uff den nestin czukunftigin sendte Walpurgetag adir vierczentage dar nach — zcu beczalne —. Das gloubin mit vns vnd vor vns also gute borgin der gestrenge Hans von Polenczk, Nickel Karas, Jan von Kokericz zcum Lome gesessen, Vlrich von Schonow zcu Kotgow gesessen, Hans Czuczk burgermeister zcu Dresden, Nickel Haikendorff burgir zcu Dresden dy vorgeschrebin summe geldis als obingeschrebin sted zcu beczalne auf den nestin sendte Walpurge tag adir vierczentage darnach etc. ut in priori littera imme- diate praecedenti. Datum eodem die et anno.

Nach dem Liber Rudolphi fol. 13 f. im Stiftsarchiv zu Meissen.