^os Bolkp dei gratia dux Slesiae, dominus de Furstinberk in Swidnicz et marchio Lusatiae notum facimus — quod vacantc praepositura sive parrochiali ecclesia in Lubbyn per mortem domini Gebhardi de Bukkansdorf quondam eiusdem ecclesiae rectoris nos credentes ius patronatus ipsius ad nos tamquam terrae Lusatiae dominum pertinere, discretum virum dominum Bartholomeum Rolle curiae nostrae capellanum honorabili viro domino Conrado Prfisse archidiacono Lusatiae moderno, ad quem de consuetudine praescripta spectat institutio personarum ecclesiasticarum ad beneficia quaelibet ecclesiastica infra limites eiusdem archidiaconatus consistentia facienda, prae- sentavimus ad ecclesiam in Lubbyn praelibatam. Ipse vero archidiaconus asserens ecclesiam ipsam non ad nos, sed ad se solum et in solidum pleno iure pertinere, capellanum nostrum praedictum ad ipsam instituere recusavit. Tandem inquisita veri- tate invenimus, quod praedicta praepositura sive ecclesia fuit et est archidiaconatui Lusatiae praedicto de indulgentia beneplacito et consensu illustris principis Ludwici Romani quondam Brandeburgensis et Lusatiae marchionis ipsius ecclesiae tunc patroni annexa canonice et unita, ct quod nobis in ea seu praesentandi ad eandem nullum ius penitus conpetebat, convenimus amicabiliter cum reverendis viris dominis prae- posito, decano et capitulo ecclesiae ilisnensis et archidiacono praelibato, quod ex speciali amicitia et favore facultatem praesentandi ad ecclesiam ipsam personam ido- neam, quotiens vacare contingerit, nobis ad vitae nostrae tempora dumtaxat precario concesserunt, salva tamen donatione praedicti principis et unione de supradicta ecclesia in J^ubbin facta ut praemittitur et iure sibi exinde quaesito, super quibus praedicti domini capitulum et archidiaconus sibi per concessionem huiusmodi praeiudicare et ab ipsis recedere non intendebant, ut dicebant. Et ne concessio huiusmodi adeo nobis gratuita facta ecclesiae Misnensi et archidiacono JA1satiae pro tempore aliquod in posterum nocumentum afferat aut afferre valeat, seu aliquis nobis aut successoribus nostris et posteris marchionibus Lusatiae seu personis quibusvis aliis ius aliquod vel possessio sive iuris vel possessionis titulo per concessionem et praesentationem huius- modi quomodolibet acquiratur, de quo supradicti domini capitulum et archidiaconus de nostra certa scientia et voluntate expressa protestati sunt, hanc nostrae recogni- tionis et ratihabitionis paginam desuper conscribi et sigilli nostri maioris fecimus munimine roborari, in qua profitemur expresse, quod non iure aliquo nostro proprio, sed titulo precario nobis per praedictos dominos capitulum et archidiaconum concesso dumtaxat potestate praesentandi huiusmodi utamur seu uti deinceps dcbeamus. Datum Pragae anno domini millesimo trecentesimo sexagesimo septimo in vigilia sancti An- dreae apostoli.

Per dominum ducem Petrus de Czedlicz prothonotarius.

Nach dem Orig. im Stiftsarchiv zu Meissen: an einem Pergamentstreifen hangt das wohlerhaltene Siegel des Herzogs (Fusssiegel) mit einem Contrasigill S' Petri de Czedlicz (Wappen desselben. Querbalken).

11*

84

No 575. 1367. 29. ]STov.

Kbnig Wenzel von Bbhmen bestdtigt die durch den Markgrafen Ludwig den Rbmer geschehene Ueber- eignung des Patronatsrechts der Kirche zu Liibben an das Domcapitel.

Nos Wenczeslaus dei gratia Boemiae rex et Lusatiae marchio notum facimus tenore praesentium universis, quod veniens ad praesentiam nostram illustris Bolko dux Swidniczensis et Lusatiae marchio patruus noster carissimus nobis exposuit, quod magnificus princeps quondam Ludwicus Romanus tunc Brandenburgensis et Lu- satiae marchio pia devotione, quam ad ecclesiam Missnensem gerere videbatur, illectus indulsit annuit et consensit, ut praepositura sive parrochialis ecclesia in Lubyn infra terminos marchiae Lusatiae consistens, cuius ius patronatus ad ipsum tamquam terrae dominum illo tunc [tempore] hereditarie pertinebat1), archidiaconatui Lusatiae per . . episcopum et capitulum ecclesiae Missnensis praedictae incorporaretur annecteretur et uniretur, renuntians expresse iuri praesentationis, quod sibi et heredibus suis et posteris ad ecclesiam eandem competebat, quodque postmodum ecclesia ipsa sit et fuerit canonice eidem archidiaconatui iuxta praedicti Ludwici marchionis votum et desiderium incor- porata annexa et unita, et petivit instanter, quatenus tam pium tamque laudabile factum, quod idem Ludwicus pro animae suae remedio2) et subditorum suorum inco- larum terrae Lusatiae commodo et quiete tam liberaliter fecisse noscebatur, gratum et ratum habere et litterarum nostrarum regalium testimonio approbare curaremus. Nos vero qui divini nominis cultum nostris augeri temporibus affectamus spem firmam fiduciamque in domino gerentes, quod ecclesiae Missnensi praelibatae, ad quam spe- ciali devotionis trahimur affectione, utilitas non modica exinde debeat accedere, nobis- que aeternae retributionis praemium suffragantibus orationibus personarum eiusdem ecclesiae procuretur, indulgentiam voluntatem consensum et renunciationem per praefatum quondam Ludwicum marchionem super ecclesia in Lubyn ut praemittitur factas, ac incorporationem annexionem et unionem exinde canonice subsecutas ratas et gratas habentes laudamus, ratificamus et tenore praesentium approbamus promit- tentes, quod nec per nos nec per aliquam personam aliam contra praemissa vel prae- missorum aliquod facere vel venire verbo vel opere ullo unquam tempore debeamus, praesentium subappenso nostro sigillo testimonio litterarum. Datum Pragae anno domini millesimo trecentesimo sexagesimo septimo in vigilia sancti Andreae apostoli.

Nach dem Orig. im Stiftsarchiv zu Meissen; an einem Pergamentstreifen hangt das grosse Siegel des Konigs Wenzel mit einem Contrasigill (in rothem Wachs, Doppeladler mit dem Lowen).

1) spectabat 576. 2) taluu 576.