Alexander episcopus — ad perpetuam rei memoriam. Apostolicae benignitatis officium etc. Exhibita siquidem nobis nuper pro parte venerabilis fratris nostri Thi- monis episcopi Misnensis petitio continebat, quod olim ipse in castro Stolpen suae

355

diocesis quoddam collegium, in quo septem praebendas canonicales, quorum fructus redditus et proventus ad summa triginta marcharum argenti secundum communem extimationem ascendunt annuatim, pro totidem canonicis eiusdem collegii de novo auctoritate ordinaria erexit et dotavit, neenon etiam praeposituram decanatum cantoriam et alias dignitates de quibus ei videbitur in ipso collegio instituere et sufficienter dotare proponit, quare pro parte ipsius episcopi nobis fuit humiliter supplicatum, ut erectioni et dotationi praedictis robur apostolicae confirmationis adiicere, neenon ipsum collegium ius collegiatae ecclesiae habere decernere ipsumque ac personas in eo praebendas aut dignitates seu alia beneficia ecclesiastica pro tempore obtinentes ab omni iurisdictione dominio et potestate dilectorum filiorum capituli Misnensis et archidiaconi loci ac cuiuscunque alterius iudicis ordinarii existentium pro tempore inferiorum episcopo Misnensi etiam pro tempore existenti prorsus eximere et etiam liberare de benignitate apostolica dignaremur. Nos itaque ipsius episcopi huiusmodi pium propositum pluri- mum in domino commendantes neenon erectionem factam et praebendarum praedicta- rum dotationem praefatas et quaecunque inde secuta rata habentes et grata ea aucto- ritate apostolica confirmamus et praesentis scripti patrocinio communimus, et insuper ipsum collegium ius collegiatae ecclesiae habere decernimus, ipsumque et easdem per- sonas a iure dominio et potestate praedictis capituli archidiaconi et iudicis praefatorum eadem auctoritate perpetuo prorsus eximimus et totaliter liberamus, ita quod capitulum archidiaconi et iudices praefati non possint in collegium seu personas huiusmodi pote- statem iurisdictionem seu dominium aliqua[tenus] exercere, decernentes irritos et inanes quoscunque processus necnon excommunicationis suspensionis et interdicti sententias, quos contra haec forsan haberi contigerit seu etiam promulgari. Nulli ergo etc. Si quis autem etc. Datum Pisis Non. Julii pontificatus nostri anno primo.

Pro Ja. Papia.

Lazarus.

P. de magistro.

Nach uem Orig. lm Stiftsarchiv zu Meissen mit dem Bleisiegel wie No. 807. Gercken Historie der Stadt Stolpen S. 577 f.