Innocentius episcopus —- venerabili fratri . . episcopo Misnensi salutem et apo- stolicam benedictionem. Rationi congruit etc. — wie No. 775 —. Nuper siquidem felicis recordationis Bonifacius papa VIIII. praedecessor noster tuis, qui ut asserebas ad sanctum Erasmum martyrem et pontificem singularem devotionem gerens quandam capellam in honorem et sub vocabulo eiusdem sancti Erasmi et sanctae Barbarae virginis et martyris fundare et aedificare inceperas in castro Stolpen tuae diocesis, quam cum aliorum Christi fidelium elemosynis dotare proposueras, supplicationibus inclinatus videlicet III. Kal. Septembris pontificatus sui anno quinto decimo auctori- tate apostolica statuit et voluit, festum ciusdem sancti Erasmi ad instar alicuius alterius martyris et pontificis festi celebris in ecclesia et civitate Misnensi ac dicta diocesi ab universis ecclesiarum praelatis et rectoribus ac personis ecclesiasticis qui- buscunque secularibus et regularibus, exemptis et non exemptis per ipsas civitatem et diocesim constitutis deinceps celebrandum, prout in nostris inde confectis litteris, cum dicti praedecessoris litterae eius superveniente obitu super statuto et voluntate huius- modi confectae non fuerunt, plenius continetur. Et deinde idem praedecessor cupiens, ut dicta capella postquam consecrata foret a Christi fidelibus congruis honoribus frequen- taretur et conservaretur, et ut fideles ipsi eo libentius causa devotionis post dictam con- secrationem confluerent ad eandem et ad conscrvationem huiusmodi manus promptius porrigerent adiutrices, quo ex hoc ibidem dono coelestis gratiae uberius conspicerent se refectos, de omnipotentis dei misericordia et beatorum Petri et Pauli apostolorum eius auctoritate confisus omnibus vere poenitentibus et confessis, qui in nativitatis circumcisionis epiphaniae resurrectionis ascensionis et corporis domini nostri Jhesu Christi, ac pentecostes neenon nativitatis annunciationis purificationis et assumptionis beatae Mariae virginis, et nativitatis beati Johannis baptistae et apostolorum Petri et Pauli, neenon sanctorum Erasmi et Barbarae praedictorum, ac ipsius capellae dedi- cationis festivitatibus, et in celebritate omnium sanctorum, neenon per ipsarum

315

nativitatis epiphaniae resurrectionis aseensionis et corporis domini, ac nativitatis et as8umptionis beatae Mariae, neenon Johannis baptistae et apostolorum Petri et Pauli praedictorum festivitatum octavis et per sex dies dictam festivitatem pentecostes immediate sequentes praefatam capellam devote visitarent annuatim, et ad conserva- tionem huiusmodi manus porrigerent adiutrices, singulis videlicet festivitatum et cele- britatis tres annos et totidem quadragenas, octavarum vero et sex dierum praedicto- rum diebus, quibus capellam ipsam visitarent et adiutrices manus porrigerent ut praefertur, centum dics de iniunctis eis poenitentiis voluit et concessit dicta die vide- licet 111. Kal. Septembr. misericorditer relaxari. Voluit etiam idem praedecessor, quod si alias dictam capellam post consecrationem huiusmodi visitantibus vel ad ipsius fabricam seu huiusmodi conservationem manus adiutrices porrigentibus, vel alias inibi pias elemosynas erogantibus, aut alias aliqua alia indulgentia in perpetuum vel ad certum tempus nondum tunc elapsum duratura per eundem praedecessorem concessa foret, voluntas et concessio praedictae nullius essent roboris vel momenti. Ne autem pro eo, quod super voluntate et concessione huiusmodi dicti praedecessoris super- veniente obitu litterae apostolicae confectae non extiterunt, voluntas et concessio supradictae suo frustrentur effectu, volentes et auctoritate praedicta decernentes, quod voluntas et concessio praedictae perinde a dicta dic videlicet III. Kal. Septembris sortiantur effectum, ac si super eis dicti praedecessoris litterae sub ipsius diei dato confectae fuissent prout superius enarratur, quodque praesentes litterae ad probandum plene voluntatem et concessionem huiusmodi ubique sufficiant, nec ad id probationis alterius adminiculum requiratur, fraternitati tuae per apostolica scripta mandamus, quatinus omnibus vere poenitentibus et confessis, qui in festivitatibus et celebritate ac per octavas huiusmodi capellam praefatam postquam consecrata fuerit visitaverint et manus adiutrices porrexerint ut praefertur, singulis videlicet festivitatum et cele- britatis tres annos et totidem quadragenas, octavarum vero et sex dierum praedicto- rum diebus, quibus capellam ipsam visitaverint ut praefertur, centum dies de iniunctis eis poenitentiis iuxta voluntatem et concessionem antedictas eadem auctoritate relaxes. Datum Romae apud sanctum Petrum III. Idus Novembris pontificatus nostri anno primo.

R'" gratis.

T. Reseler.

Nach dem Orig. im K. Haupt-Staatsarchiv zu Dresden mit dem Bleisiegel an hanfener Schnur.