Nos Thimo dei et apost. sedis gratia episeopus Misnensis omnibus Christi fidelibus etc. Et si sanctorum quorumlibet gloriam ob eius laudem, qui eos glorifi- cavit, attollere teneamur summopere et iubemur, ad illorum tamen cultum et reve- rentiam meditatione praecipua intendere et Christi ndelium devotionem ad huiusmodi nos congruit etiam animare, quorum patrociniis adiuvari et beneficiis refici cottidie conspicimus et gloriamur. Inter quos mater dei et hominis beatissima virgo Maria ampliori veneratione glorificanda et singularibus laudum praeconiis est non inmerito magnificanda, de qua sanctus sanctorum unigenitus dei filius pro salute humani generis incarnari dignatus est et nasci; totum enim ad gloriam laudis eius pertinere dinoscitur, quidquid digne ipsius genitrici a fidelibus officii impensum fuerit servitutis. Cum itaque ut accepimus in altari corporis Christi, sanctae etiam et individuae trini- tatis ac beatae Mariae virginis gloriosae atque beatae Mariae Magdalenae in medio chori ecclesiae Misnensis atque in altari sanctae crucis in testudine eiusdem ecclesiae per illustrem principem et dominum, dominum Wilhelmum marchionem Misnensem ercctis fundatis et condignis redditibus dotatis, in praefato altari in medio chori situato diebus dominicis de sancta trinitate, feriis quintis de corpore Christi et sabba- tinis diebus de beata virgine, et super testudine in altari sanctae crucis feriis sextis de sancta cruce, per anni circulum missae in perpetuum sollempniter cum nota debeant decantari, nos cupientes Christi fideles quoslibet tanto sollicitius ad huiusmodi donis spiritualibus et peccatorum remissionibus incitare, quanto cx eo gratiae potioris uber- tate conspexerint se refectos, ut eiusdem corporis et sanguinis domini nostri Jesu Christi sacramenti dominici nostrae peregrinationis viatici, et eiusdem gloriosae vir- ginis Mariae, matris misericordiae, laus ab ore hominum non deficiat et in laudem ipsorum per crementa temporum cultus et frequentia missarum huiusmodi et fidelium devotio proficiat fructuosius et increscat, omnibus Christi fidelibus utriusque sexus vere penitentibus contritis et confessis, qui dictis missis interfuerint humiliter et devote seu easdem cantare iuverint, aut offertoria sua fecerint seu quovis modo manus porrexerint adiutrices, ut dictae missae conserventur, de omnipotentis dei misericordia et beatorum Petri et Pauli apostolorum eius suffragiis confisi, ipsis de iniunctis eis penitentiis de quolibet die, quando et quociens praemissa fecerint aut aliquod praemissorum, quadraginta dies indulgentiarum misericorditer in domino elar- gimur, consentientes quantum in nobis est, ut quilibet episcopus catholicus de suo consuetas et condignas indulgentias praesentibus nostris indulgentiis consimiles et con- cordes ad praedictas missas et pro earum conservatione addere possit. In cuius evi- dentiam clariorem sigillum maius nostrum praesentibus duximus appendendum. Da- tum in castro nostro Stolpen anno domini millesimo quadringentesimo quarto die vicesima quarta mensis Januarii.

310

Et nos Johannes de Kitlicz episcopus olim Misnensis omnibus Christi fidelibus confessis et contritis, qui ad supradictas missas obtulerint seu eas cantare iuverint modo'supradicto, quadraginta dierum indulgentias de iniunctis penitentiis misericor- diter in domino impcrtimur. In cuius testimonium sigillum nostrum praesentibus est appensum feria quarta post Agnetis anno ut supra.

Et nos Nicolaus episcopus Cathosiensis omnibus Christi fidelibus confessis et contritis, qui ad supradictas missas obtulerint seu eas cantare iuverint modo supra- dicto, quadraginta dies indulgentiarum de iniunctis penitentiis misericorditer in domino elargimur. In cuius testimonium sigillum nostrum est appensum feria tertia infra octavas ascensionis anno ut supra.

Nach dem Orig. im Stiftsarchiv zu Meissen mit den Siegeln der drei Biscliofe an Pergamentstreifen.