Ego Heynricus dictus de Gana miles una cum heredibus meis recognosco publicc per praesentes, quod bona mea in villa Swimicz in districtu Mysnensi sita iustis venditionis et emptionis titulis intervenientibus vendidi honorabilibus viris dominis . . praeposito . . . decano et canonicis ecclesiae Mysnensis pro certa pecuniae summa mihi iam soluta, quae cum propter inpcdimenta legittima infra annum in manus illustris principis domini Friderici marchionis Mysnensis resignasse nequivissem, dicti domini canonici in possessionem pristinam mihi tradiderunt, et quod resumptis

17

dictis bonis promisi praefatis dominis canonicis dictae Mysnensis ecclesiae et praesen- tibus bona fide promitto infra medium annum a data praesentium continue currentem in manus dicti domini marchionis eadem bona me velle et debere absque commenti dolo libere resignare, et ipsis possessionem eorundem bonorum restituere et reddere infra terminum memoratum. Et ad maiorem huius facti cautionem dictis dominis canonicis statui certos fideiussores, videlicet Henricum seniorem, Nicolaum et Tyz- konem fratres dictos de Kobirshayn, qui una mecum in solidum et manu coniuncta promiserunt et praesentibus promittunt servando obstagium, in civitatem Misnensem post lapsum dicti medii anni se introituros non exituri abhinc, nisi dicta bona sint in manus praefati domini marchionis per me libere resignata, et quieta possessio dictorum per me ipsis penitus restituta, et quod censum de dictis bonis interim perci- piendum teneo et debeo praefatis dominis cui hoc commiserint totaliter praesentare aut praesentari ordinare. In quorum omnium evidens testimonium sigilluru meum praesentibus est appensum. Et nos Henricus, Nicolaus et Tyzko fratres dicti de Kobirshain praedicti recognoscimus tenore praesentium coniuncta manu et in solidum *praemissa nos sponte promisisse et sigillum mei Henrici praedicti pro me et ad peti- tionem dictorum fratrum meorum propriis sigillis carentium ex certa scientia in testi- monium praemissorum praesentibus appendisse. Datum et actum in Misna anno dom. M°. CCC°. LVIII°. in die beati Donati episcopi et martyris gloriosi.

Nach dem Orig. im Stiftsarchiv zu Meissen mit den Siegeln Heinrichs von Gana (Krebs) und Heinrichs von Kobirshayn (vertical getheiltes Schild, rechts zwei Querhalken).