Ich Henczil Grose, Jacof vnde Hannus myne sone, burgere zcu Dresden, . bekennen offinlichin an desem brife vnde wollen kvnd werden allen, die en sehen ader horen lesen, daz wir deme wysen manne hern Michele von Helwigistorf, vica- rien zcu Mysen vorkfift haben recht vnde redclichen vf vnserm wyngarten, den wir von vnseme herren dem bysschoffe zcu MyCen zcu lehene haben, eyn halb schog groschen yerliches zcinses, den wir ym ader dem, der die vycarie dez heilgen cru- czes in der kyrchin zcu MyBen hat adir zcu zcyten haben wirt, geben sullen vnde wollen vnuorczognlich vnde ane arg vf wynachten, die do schirst zcukumftig sint, vnde ouch donach alle iar vf denselben tag geben sullen, vnde haben ym den zcins gegeben vmbe sechs schog guter Frybergischer groschen, der her vns genczlich vnde nuczlich beczalet hat. In deme koufe ist alzo getedinget vnde geret, wenne wir den zcins wedirkoufen vmme sechs schog groschen der vorgnanten moncze wedir hern Michil, ader wer die egnante vicarie hat, so sal vnsir garte ledig sin vnde loz, vnde wenne wir den wedir kouffen wollen, daz sulle wir tun vf wynachten, so sal der zcins dem vicarien volgen mit dem gelde. Daz globe wir in gutem truwin. Dabie sint gewest vnd sint ouch geczuge die erbern wysen lute Hanns, Petir gebru- dere Munczmeystere, Wynant, Hentzil gebrudere Zcigillere vnde ander fromer lute gnug, den wol zcu glouben isfe Desir vorbeschrebene rede, globdez vnde bekent- niCes, daz wir daz stete vnde gancz halden wollen habe ich Henczil Grose myn insigel an desen brif lasen hengen. Geben nach gotes geburd drfezenhundert iar, darnach in dem acht vnde sechsczegisten iare an deme tage Viti dez heylgen mertirer.

Nach dem Orig. im Stiftsarchiv zu Meisseu mit dem Siegel (Kopf eines Hasen mit stehenden Ohren: S' Johis. dci. Grozse) an einem Pergamentstreifen.

88