Wir Balthazar von gotis gnadin etc. bekennen, daz der erwerdie in gote vater vnde herre vnse hern ern Johannes bisschofe zcu MiKin durch sunderlichir frunt- schaft willen vns hat gelegen zcwey hundert schog guter Friberger groschin, dy wir von ym enphangen habin, vnde sullen ym dy weder gebin vnde bezcalin vff sime huze zcum Stulpin mit gereitim gelde vff sente Michils tag der nu schirczt komt: daz gelobe wir ym in guten truwen ane argelist vnde geuerde, vnde habin ym do vor zcu burgen gesaczt den edeln herin ern Friderich von Schonborg hern zcu Glu- chou, dy gestrengen ern Ditherichin vom Honsperge, ern Walthern von Kekericz, ern Hansin von Miltitz, ern Heynichin von Torgov vnde Jenchen von Heynczen vnser man, vnde dy vnser lute Heinczel Zcigeler, Tyzcin Bulingen, Franczen von Koczenrode, Franczin von Meideborg burgere zcu Dresedin, Eykilman zcu MiCin, Nigkel Gruner vnde Nikel von Scherme burgere zcu Friberg, dy mit vns vor daz egenante gelt gelobit habin mit gesampter hant also dy selb schuldien. Vnde wir er Frederich zcu Gluchov, er Ditherich von Honsperge, er Walther von Kekericz, er

173

Hans von Milticz, er Henich von Torgov, Jenchen von Heynicz, Heinczel Zcigeler, Tyzce Bulinge, Francze Koczinrode, Francze von Meydeborg, Ekehnau von MyCin, Nikel Gruner vnde Nikel von der Scherme bekennen an desim vffen brife, daz wir habin gelobit deme erwerdien in gote vatere vnde hern ern Johanse mit gesampter hand alz selbschuldien zcwey hundert schog Friberger grosschin zcu bezcalne mit gereiten phengen vff sime hufe zcum Stolpen vff sente Michels tag der nu schirst komt, vnde wo wir dez nicht enteten, so sulle wir ym inrite in sine stad Jochgrim vnde dar inne legen also inlegers recht ist, vnde von dannen nicht kome, wir thun is denne mit sime wissin vnde willen. Vnde daz selbe gelebede geloben wir den erbern ern Syferde Hanfmuse, ern Lutolde von Stuternheym, ern Gunthere Karazze vnde ern Michele von Helewigistorf vicarien zcu Missin an allerleie argelist vnde geuerde, vnde habin dez zcu orkunde vnde bekentenisse vnser insegel mit vnserm hern ern Balthazar an desin brif gehangen, der gegeben ist zcu MiCen noch gotis gebord drycen hundert iar dar noch in deme nun vnde sebincigsten iare an montage noch Egidii dez heilgen aptes").

Aus dem Liber privilegg. im K. Haupt-Staatsarchiv zu Dresden no. 30. fol. 69.

a) Da B. Johann im Anfange des Mftrz 1379 als Erzbischof von Prag investirt wurde und deesen Nachfolger in Melssen bereits am 19. Marz dort anwesend war, muss das Darlehn*geschaft 1378 abgeschlossen worden sein.