Dei et apostolicae sedis gratia Misnensis episcopus Jo. honorabilibus et sapien- tibus viris dominis B. deeano, Frede. praeposito canonicorum et capitulo Misnensis ecclesiae nostrae, fratribus nostris in Christo carissimis salutem in eo, qui est omnium vera salus. Quia serenissimus ac invictissimus princeps et dominus dominus Karolus quartus Romanorum imperator semper augustus et Bohem. rex dominus noster metuen- dissimus affectione sincera, qua tranquillum statum Christianae plebis prosequitur, animo delibato et prima maturitate sui consilii ad hoc iam vadit et nititur, quod illustris ac magnificus princeps et dominus dominus noster W. Bohemiae rex filius eius Romani regni claro diademate coronetur, ut et multiplicata eius potentia pace fruamur iu domino et affectio trauquillitatis, quae viget in caesareae virtutis fructuosa propagine, in ltosteros derivetur. Quapropter devotionem vestram hortamur in domino, quatenus acceptis praesentibus universis plebanis et rectoribus ecclesiarum civitatis Misnensis solempnem processionem velitis indicere, religiosos eiusdem loci exhortantes in domino, ut processiones similiter faciant incipiendo a dominicae, quae est infra octavas corporis Christi per totam sequentem hebdomadem singulis diebus singulas visitando ecclesias cum canticis et laude divina, quodque populum exhortent, ut pro bono successu et eventu felici coronationis praedictae devotis orationibus misericordiam domini deprecentur. Nam omnibus et singulis, qui processionibus huiusmodi inter- fuerint, de pietate altissimi et beatorum Petri et Pauli apostolorum eius auctoritate habentes fiduciam XL dierum indulgentias de iniunctis sibi poenitentiis relaxamus. Datum in castro nostro etc.

Aus einem Formularius der Univ.-Bibliothek zu Leipzig. Cod. ms. 108(Ja. fol. 16. sec. XV.