Wir Hans von Mylin eczwanne gesessin zcu dem Schessouchin vnde Heynrich Crymmen sin 6heme vnd vorsteher gesessin zcu Nuenwalde, bekennen offinlichen in disem keginwertigem brife vor vns, alle vnsere erben vnd nachkomelinge vnd tuhen kunt allen den di disen brif sehen horen adir lesin, daz wir mit wolbedochtem mute, mit gutem vorrate vnd wizsin vil vnser frunde, sunderlichen durch vnsers fromen vnde nuczes willen, vnsir dorfere zcu deme Schessouchin11) vnd zcu deme Horsteb) gelegin in deme gerichte zcu deme Hayne ubir Elbe, di do sint eygentschafft des gotishuses vnde capitils zcu Misne, mit vyer vnde zcwenczik hufen ackirs in beiden dorfern gelegin, dor ynne die muel vor eyne hufe zcu vorczinsej1e ist begriffen, vnd zcinset ye di hufe zcu ierlichem zcinse zehen groschen Fribergischir, eynen scheffil korns vnd eynen scheffil hauern Heynisches mazses vnd eyn hun uf sente Michils tag, vnd uf ostern zcehen eygere, vnd mit zcweien hufen ackirs, di sunderlichen zu deme zedilhofe gehorn, di ierlich zcinsen uf sente Michils tag eyn vnd dryzsig gro- schen, vnde mit garten vnd wiCin, di sundirlichn hir noch geschriben sten, vnd mit dryen vnd zcwenczik holczhufen, der zcinset ye di hufe uf sente Michils tag zcehen groschen vnd fumf heller, vnd di gemeynen sullen mit enandir fumf heller zcinsen von den selben hufen, mit sulchen rechten eren gerichten obirsten vnd nydirsten, nuczczen dinsten gewonheiten vnd gemeynlich mit allen zcugehorungen, wo di gele- gen sint adir wy di namen gehaben m&gen nichtis uzgenomen, noch vns adir vnsern erben keyns do zcu behalden, alz wir das allis von deme gotishuse vnd deme capitil zcu Misne gehabt vnd besessin haben, den erbern herren deme tumprobiste, deme

a) Skassgen, Eph. Grossenhain. b) Scheint schon damals eine Wlistung getvosen zu sein, doren Flur mit der von Skassgen verbunden war.

COD. DIPL. SAZ. II. 2. 24

Jf

186

techande vnd deme capitil gemeyne des gotishuses zcu Misne recht redelich vnd erblich vorkouft haben vor hundirt schog sibin vnde fumfczik schok vnd fumf vnd vierczig groschen Fribergischir muncze, der sie vns nficzlichen vnd wol beczalet haben, vnde sagen si der egnanten summen geldis quyt ledik vnd loz mit vrkunde dises brifes, vnd dor vmbe haben wir di egnanten d6rfere vnd gut den selben herren vnd deme capitil zcu Misne williclichen ufgereicht ufgegeben vnd ufgelasen, di lute derselben d&rfere vnd gut allir huldunge vnd glubde ledik gesagit vnd gelasin, vnd haben di selben lfite mit hand vnd mit munde an di egnanten herren des capitils zcu Misne als recht vnd gewonlich ist. vnd alz an ihre rechte erbherren gewisit, vnd haben vns vortzigen vor vns alle vnsere erbnemen vnd nachkomelinge allir vor- derunge vnd ansproche, di wir heymelichen adir offenbar zcu keyner zcit von rechte adir von gewonheit ymmer dor an gehaben mochten, vnd vorkoufen ouch di egnan- ten gut alle in alle der wise, mit sulchen rechten vnd gewonheiten, als oben stet geschriben, den egnanten herren vnd deme capitil zcu Misne, gerugeglichen zcu besiczen vnd ewiglichen zcu behaldene ane alle hindirniCe vnd widirrede. Vnd dise noch geschriben lute vnde gebuyr haben di obgenanten hufen vnd nachgenanten gut besessin vnd sullen di vorczinsen als oben stet geschriben: zcu dem ersten Hans Smet hat eine hufe ackirs vnd eine hufe holczis zcu dem Schessouchin, Petir Varre hat eyne hufe ackirs vnd eyne hufe holczis zcum Schessouchin vnd eyne hufe ackirs zcum Horste, Nickil alde schultheise hat eyne hufe ackirs vnd eyne hufe holczis zcum Schessouchin vnd eyne hufe ackirs zcum Horste, Nickil Goldener hat eyne halbe hufe ackirs vnd eyne halbe hufe holczis zcum Schessouchin vnd eyne halbe hufe ackirs zcum Horste, Heynich Rot hat eyne halbe hufe ackirs vnd eyne halbe hufe holczis zcum Schessouchin, Nickil Went hat eyne hufe ackirs vnd eyne hufe holczis czum Schessouchin vnd eyne halbe hufe ackirs zcum Horste, Jacob Smet hat eyne halbe hufe ackirs zcum Horste vnd eyne hufe holczis zcum Schessouchin. Der zedilhof hat zcwu hufen ackirs vnd eyne holczhufe zcum Schessouchin vnd eyne halbe hufe ackirs zcum Horste; Niczcze Lamprecht hat eyne halbe hufe ackirs vnd eyue hufe holczis zcum Schessouchin; Peczold hat eyne halbe hufe ackirs vnd eyne hufe holczis zcum Schessouchin vnd eyne halbe hufe ackirs zcum Horste, ouch hat der- selbe eyne wiCe zcum Schessouchin, do von her sundirlichen zcinset drye groschen uf sente Michils tag. Nickil Schurlechin hat eyne hufe holczis zcum Schessouchin; Heynrich Lamprecht hat eyne hufe ackirs zcum Horste vnd eyne hufe holczis zcum Schessouchin; Alheid Ruprechtynne hat eyne halbe hufe ackirs vnd eyne halbe hufe holczis zcum Schessouchin; Gunther Kelen son hat eyne halbe hufe ackirs vnd eyne hufe holczis zcu deme Schessouchin, vnd eyne halbe hufe ackirs zcu dem Horste; der pharrer zcu dem Schessouchin hat eyne hufe holczis, di her vorczinset do sel- bins; der mulner zcinset von der muel alz von eyner hufen ackirs, derselbe hat ouch eyne hufe holczis do selbins zcum Schessouchin vnd eyne hufe ackirs zcum Horste; Ticze Bart hat eyne hufe ackirs vnd eyne hufe holczis zcum Schessouchin; Ticze Reyncz hat eyne hufe ackirs vnd eyne hufe holczis zcum Schessouchin vnd eyne hufe ackirs zcum Horste; Nicze Wenczil hat eyne hufe ackirs vnd eyne hufe holczis zcum Schessouchin; Jacob Windischer hat eyne hufe ackirs vnd eyne hufe holczis

187

zcum Schessouchin; Jacob Rabe hat eyne hufe holczis zcum Schessouchin vnd eyne hufe ackirs zcum Horste; Ditterich Claws hat eynen garten zcum Schessouchin, do von her zciuset drye groschen uf sente Michils tag, ouch hat derselbe eyne halbe hufe holczis do selbins; Heynich Wenczener hat eyne hufe ackirs vnd eyne hufe holczis zcum Schessouchin; Heynczil Reyncz hat eyne hufe ackirs vnd eyne hufe holczis zcum Schessouchin; Petir V6geler hat eyne hufe ackirs vud eyne hufe holczis zcum Schessouchin; Mertin Kluge hat eyne wiCe zcum Schessouchin, do von her zcinset sechs groschen uf sente Michils tag. Disen vorgnanten kouf vnd alle stucke vnd artikil haben wir egnanten Hans von Milin vnd Heynrich Crymmen globit vor vns vnd alle vnser erben vnd globen in guten truwen ane allirleye argelist vnde ane allis geuerde den egnanten herren . . dem tumprobiste, dem . . techande vnd dem capitil gemeyne zcu Misne stete gancz vnd vnuorbrochenlichen zcu halden, vnd dawidir nummer zcu tuhende, vnd haben des zcu warem geczugnisse vnd merer sichirheit vnser insigele an disen brif gehangen, der gegeben ist noch Cristi geburte dryczenhundirt iar in dem achtzigistem iare an allir heiligen tage. Disen kouf haben geteidingt di erbern manne her Heynrich von Tubinheym pharrer zcu Schilow, Wy- gand von Tubinheym gesessin zcu Lympach, Hans Eckilman vnd Petz Schroter burgere zcu Misne, vnd sin ouch do by gewest Hans von Tubinheym gesessin zcu Praschwicz, Nickil von Tubinheym gesessin zcu Mokrus, Henzil von Kouffungen, her Pauwil von Friberg vnd her Jacob von Somerfeld, vicarien zcu Misne vnd andir gutir lute gnuk, phaffen vnd leyen, den wol ist zcu glouben.

Nach dem Orift. im Stiftsarchiv zu Meissen mit den Siegeln der Aussteller an Pergamentstreifen.