Ich Nickel Beyer czu Radow gesessin gelegen in der pfleige czu dem Hayne bekenne vnd thu kunt — das ich — drey hufen vnde drey firteyl gelegen do sel- bist czu Radaw, als ich vnd meyne forfarn daz bis her gehat habin — vorkavft habe — den erbern hern ern Niclose von Heynicz vnd meystir Sthephan Moyr thumhern czu Meyssin czu eyme selgerethe ern Andreas Grawen seligen eczwen thumhern czu Meyssyn, do hen ouch das genante selgerethe gehoren sal, vnde habe dy obgnanteu drey hufen vnd drey virteyl gegeben vmb dreysig schok nuwer groschin, der sy mich gereyt nuczlich beczalt haben. Von den selben hufen ich egnantyr Nickel meyne erben vnd nochkomen alle iar gebin beczalen vnd reychin sullen czu dem obgnanten selgerethe vff den thum czu Meyssin czwe schok gutir groschen Vreyberger munczen ierlichis erbezinsis vff sente Michils tag. Das selbige gut ich obgnantir Nickel mit willen vfgelassen habe vor meynen gnedigen hern margraffen czu Meyssen —. Vnd ich Egkel Beyer vnd Melchior von Jawirnicz gloubin mit gesamptir hand in guten trawen ane arg vor dy gewere mit deme oftgnanten Nichil Beyer, das er dy thun sal vnd wir mit em den obengeschreben hern vnd thume noch gewonheit vnd rechte des landes — ane allirleie argelist vnd bose artikil. Des czu orkunde vnd bekente- nisse haben wir obgnanten selbschuldigir vnd burgen vnsir iczlichir seyn ingesigel mit wissen vnd willen an desen briff lassen hengen, der gegeben ist czu Meissin noch Cristi geburt virczenhundirt iar, dornoch in dem achten iare an sente Scolastice tage der heiligen iuncfrawen.

Nach dem Orig. im Stiftsarchiv zu Meissen mit den Siegeln Nickel Beyers, Egkel Beyers uiu1 Melchiors von Jawiruicz an Pergamentstreifen.

43*

340