Universis et singulis praesentibus et futuris, quos huius negotii qualitas respicit aut respicere poterit, aut quorum interest vel interesse poterit in futurum Nicolaus dei et apostolicae sedis gratia episcopus Misnensis salutem in salvatore omnium etc. Cum inter nos parte ex una, et inter venerabiles viros in Christo nobis dilectos, Nicolaum decanum ac totum capitulum ecclesiae nostrae Misnensis parte ex altera, super allodiis praediis ac curiis et bonis in Kossebode et Wartha, nec non redditibus agris vineis silvis ac omnibus et singulis attinentiis eorundem fuisset dissensionis materia non modica suscitata, nobis eadem bona omnia et singula tenentibus et asserentibus ipsa ad mensam nostram episcopalem pertinere, ipsis vero . . decano et capitulo Misnensi ex adverso valde affirmantibus, praedicta bona omnia et singula ad obedientias suas ac praebendas seu cottidianas amministrationes attinere, et se fore eisdem bonis per reverendum in Christo patrem ac dominum, dominum Johannem nunc archiepiscopum Pragensem, antecessorem nostrum iniuste et indebite spoliatos, tandem multis et variis tractatibus inter nos habitis pro commodo pacis et unionis conservandae per modum subscriptum fuimus amicabiliter concordati, videlicet quod nos Nicolaus episcopus — praedicta allodia curias praedia et bona in Kossebode et in Wartha cum omnibus redditibus agris vineis silvis ac singulis pertinentiis suis debemus retinere et possidere libere pacifice et quiete quoad vixerimus, nisi forsan contingeret nos voluntarie renunciare ecclesiae nostrae Misnensi vel alias intuitu uberioris commodi per modum permutationis, vel benivolae dimissionis assignare prae- dicta bona in Kossebode et in Wartha dominis . . decano et capitulo ecclesiae nostrae Misnensis supradictis. Debemus tamen de supradictis allodiis et bonis et eorum attinentiis singulis annis, quamdiu ipsa tenuerimus et possiderimus, praefatis dominis — solvere nomine pensionis et dare in omnem eventum de camera nostra viginti sexagenas grossorum Misnensium in festo sancti Michahelis, de quibus — ipsi — debent satisfacere suis concanonicis, vicariis et aliis quibuscunque, qui sibi credunt competere ius percipiendi obedientias praebendas seu redditus aut cottidianas ammini- strationes aut alia quaecunque emolimenta de bonis superius nominatis. Postquam vero nos de hac vita migraverimus vel fortassis libere et voluntarie ecclesiae nostrae Misnensi renunciaverimus aut praedicta bona benivole dimiserimus, ex tunc prae- fata allodia curiae praedia et bona in Kossebode et in Wartha cum omnibus reddi- tibus agris vineis silvis ac singulis pertinentiis suis transire ac redire debent ad dominos — sepedictos, qui ex tunc eadem bona retinere et possidere debent eo iure ac firmitate, quo et qua pridem iidem — ipsa tenuerant et possederant, dum adhuc bonae recordationis quondam dominus Johannes de Draynicz canonicus Misnensis ac

184

secundum ipsorum assertionem obedientiarius bonorum in Kossebode praedictorum agebat in humanis. Ut autem praedicti domini — certius et securius eorundem bonorum in Kossebode et in Wartha ac pertinentiarum suarum retentionem et posses- sionem pacificam consequantur, pro speciali cautela condictum est et promissum, quod advocatus noster in bonis praedictis, qui nunc est vel quicunque per nos aut nostro nomine in posterum fuerit constitutus, debet promittere manualiter et promittet prae- dictis dominis — quociens fuerit oportunum, quod post obitum nostrum aut volunta- riam renunciationem nostram ecclesiae Misnensi sive benivolam dimissionem nostram praedictorum bonorum praefata bona in Kossebode et in Wartha cum omnibus atti- nentiis suis expressis vel non expressis praesentabit et assignabit eisdem dominis — habenda et possedenda omni iure ac iuris munimine seu firmitate, quo et qua eadem bona — possederant temporibus olim domini Johannis de Draynitz, obedientiarii memorati. Praeterea quia venerabilis in Christo pater ac dominus dominus Franko episcopus Leroscensis ad tempora vitae suae retinet et habet, ac retinere et habere debet in Wartha decem sexagenas grossorum Misnensium nomine annuae pensionis, de quibus quidem decem sexagenis idem venerabilis pater quoad vixerit ministrabit ad chorum ecclesiae nostrae Misnensis unam sexagenam cum dimidia grossorum Mis- nensium inter canonicos et vicarios et alios huiusmodi ministrationis participes divi- dendas pro memoria sua, quam perpetuo observandam in ecclesia Misnensi disposuit et ordinavit — super hac itaque decem sexagenarum pensione taliter est condictum, quod nos Nicolaus episcopus Misnensis debemus et tenemur easdem decem sexagenas grossorum Misnensium solvere et dare singulis annis nomine pensionis de camera nostra, quamdiu tenuerimus et possederimus bona supradicta, praefato venerabili patri domino episcopo Leroscensi ultra praedictas viginti sexagenas pro nobis ac nostro capitulo singulis annis solvendas, et continue post obitum vero praedicti venerabilis patris erimus de hac pensione decem sexagenarum grossorum Misnensium pro eo solvendarum penitus absoluti, excepto quod unam sexagenam cum dimidia grossorum Misnensium de certis redditibus quorundam bonorum in villa Wartha solvendis facie- mus et ordinabimus solvi et dari ad chorum ecclesiae — distribuendas pro eiusdem venerabilis patris memoria memorata. Praesentis itaque condicti amicabilem concor- diam et amicabilis concordiae condictum in omnibus suis clausulis praeexpressis invio- labiliter tenere et observare promisimus venerabilibus viris dominis Nicolao decano, Gerhardo de Wolfticz, Nicolao Monczmeystir, Rampfoldo de Palenczk et Andreae Grawen, canonicis ecclesiae nostrae Misnensis pro se et nomine totius capituli tractan- tibus et promissum nostrum recipientibus, ac etiam pro se et nomine totius capituli versa vice nobis promittentibus praemissa omnia et singula firmiter tenere ac invio- labiliter observare. In quorum omnium evidentiam et notitiam clariorem praesentes litteras per scribam et notarium nostrum infrascriptum scribi et in hanc publicam formam redigi mandavimus et nostri maioris sigilli appensione fecimus communiri. Acta sunt haec in castro nostro Nussin in pyrali maiori anno domini millesimo tre- centesimo octuagesimo, indictione tertia, pontificatus sanctissimi in Christo patris ac domini nostri domini Vrbani divina providentia papae sexti anno tertio, mensis Junii die decima hora meridiei vel quasi, praesentibus honorabili viro magistro Dj'thero de

185

Wydera canonico Niiemburgensi, nostro prothonotario, ac strenuo armigero Frederico de Grellenhayn nostro marschalco, huiusmodi concordiae et condicti ac promissi tracta- toribus et placitatoribus et testibus ad praemissa vocatis specialiter et rogatis.

Et ego Hartmannus Swan de Fredeberg clericus Maguntin. diocesis imperiali auctoritate notarius publicus et scriba reverendi in Christo patris et domini mei domini Nicolai episcopi Misnensis praetacti, quia praesentis con- s- dicti et amicabilis concordiae pronunciationi et recitationi ac mutuae hinc et | inde firmae observationis promissioni, una cum praedictis testibus praesens g interfui eaque sic, ut praemittitur, fieri vidi et audivi, ideoque de mandato I: venerabilis — Nicolai episcopi Misnensis has litteras manu propria con- scripsi et in hanc publicam formam redegi sigilloque maiori eiusdem domini mei sigillavi, ac nomine meo proprio et signo solito consignavi rogatus et requisitus in testimonium omnium praemissorum.

Nach dem Orig. im Stiftsarchiv zu Meissen mit dem grosseren Siegel des Bischofs an einem Pergament-

streifen.