Ad diva mens vivacitate tunc humana sagaci volvitur, dum ad datoris bono- rum omnium magnificentiam sanctorumque suorum honorem pariter et gloriam datum Christi fidelibus ab eodem, qui pater est luminum, hilariter retorquetur. Nos igitur Johannes dei gratia episcopus ecclesiae Missenensis praemissorum salubritatem pia aviditate pensantes, felicitatis propriae remedium animae quoque singulare devotione nobis a deo inspirata complectentes duas vicarias in ecclesia nostra Missenensi per- petuas congruis dotibus reddituatas ac redditibus competentibus dotatas, videlicet decem et octo marcis, quas a Johanne Brandeys1) in villa Dfiben2)") prope opidum Wfirczin sita et septem sexagenis cum quadraginta tribus grossis latorum annui census, quas apud heredes Johannis dicti Dragfisch opidani in Hayn, in villa Ebirs- bach sita in districtu Haynensi nostra pecunia comparavimus cum altaribus, quorum unum in honorem sanctorum Basilii confessoris et pontificis et Barbarae virginis ac martyris, reliquum in honorem sanctorum Bartholomei apostoli, nec non Allexii con- fessoris consecravimus fundavimus ereximus et creavimus iuxta modum inferius anno- tatum. Vicarii enim dictorum altarium, qui pro tempore fuerint, praedictum censum in memoratis villis et alia emolimenta exinde evenientia aequaliter inter se divident, et vicarius etiam, qui ad altare saepedictorum sanctorum Basilii et Barbarae insti- tutus fuerit, singulis annis in quolibet dictorum festorum canonicis et vicariis perpe- tuis et temporalibus ministrare debet ac tenebitur unam sexagenam latorum cum duodecim grossis, omnibus quibus amministrationes in choro dari consueverant inter- clusis. Vicarius vero altaris sanctorum Bartholomei et Allexii similiter in festivi- tatibus sanctorum Bartholomei et Allexii singulis annis modo quo praemissum est, amministrationem faciet, ita tamen, quod in vigilia beatae Barbarac in vesperis anti- phona ,ortodoxe' super magnificat, in missa , alleluia eclipsatos', in vigilia beati Ba- silii in vesperis antiphona super magnificat ,celsum vocis', in missa ,alleluia pie pater' cum sequentia ,felix mater', in vigilia vero sancti Bartholomei in vesperis super magnificat ,eximie Christi', in missa ,alleluia Bartholomeus' cum sequentia ,favus mellis' et in vigilia sancti Allexii super magnificat antiphona ,fraudis commenta', in missa ,alleluia o Allexi' cum sequentia ,falleratus vitiis' sollempniter decantentur; appropriantes annectentes ac incorporantes praefatis vicariis et altaribus saepedictum

1) Brtmdnz B. 2) Mben B.

a) Deuben, Par. Nepperwitz. Vgl. no. 508.

21

censum seu redditus cum omnibus iuribus libertatibus iudiciis et honoribus suis, cum quibus ipsi, apud quos saepedicta bona comparavimus, tenuerunt, nihil iuris nobis aut nostris successoribus episcopis Missenensibus, qui pro tempore fuerint, in eisdem bonis reservantes, ea qua decet sollempnitate dei nomine per praesentes. Item ii, quibus dictae vicariae seu una earum collata fuerit, actu sacerdos esse vel eodem anno ad sacerdotii gradum debet promoveri. Ordinamus praeterea dictorum vicario- rum, qui pro tempore fuerint, conscientias onerantes et nihilominus sub intermi- natione maledictionis aeternae districtius obsecrantes, ut singulis feriis secundis missa pro defunctis, in qua memoria nostri . . patris, . . matris, . . fratrum, . . sororis et parentum nostrorum specialis in canone habeatur, feria tertia de sancta Barbara, quarta vero feria de sancto Basilio in altari celebrent sanctorum in honore dictorum consecrato, in altari vero secundo in laudem beatorum Bartholomei et Allexii simi- liter feriis secundis missa pro defunctis, modo quo praemissum est, tertiis feriis de sancto Bartholomeo et quartis feriis de sancto Allexio missas legant vel legi procu- rent altarium vicarii praedictorum, eo tamen proviso, si in dictis feriis vel earum aliqua festum totum duplex occurret, tunc enim missae praedictae in sequentibus diebus vel feriis eiusdem septimanae et per singulas ebdomadas, modo ut superius est praemissum, observentur. Ad praemissorum igitur omnium et singulorum roboris efficacius munimentum hanc paginam confici et scribi nostrique maioris sigilli et autentici fecimus robore roborari, nostri ad hoc capituli Missenensis assensu accedente pariter et consensu.

Et nos Johannes de Strelis3) praepositus, Theodericus de Gogh4) decanus totumque dictae Missenensis ecclesiae capitulum recognoscimus, quod ad sincerum reverendi in Christo patris ac domini, domini Johannis praefatae Missenensis eccle- siae episcopi rogatum, maxime cum in divini cultus augmentum eius intentio versa- batur, praemissis nostrum adhibuimus ac favorabiliter adhibemus consensum, coappen- dentes huic litterae nostri capituli sigillum in evidentiam huiusmodi nostri consensus pleniorem. Actum et datum Stolpin anno dom. millesimo trecentesimo quinquagesimo nono sexta die mensis Septembris.

Nach zwei im Stiftsarchiv zu Meissen befindlichen Originalen mit den Siegeln des Bischofs und des Capi- tels an Pergamentstreifen.

3) Streliz B. 4) Goch B.