Ich Fricze Ditherichsbach vnd ich Francze Herbort burgere zu Pyrn bekennen offenlichen in disem brife alle den di in sehen oder h6rn lesen, daz wir vns vorzigen haben vnd vorzeihen in disem offen brife der wisen, di gelegen ist zu Dytewicz, dy vns Paul Weczekitel vorsaczt hatte. Do hat vns vnser gnediger herre Johannes bischof zu Missen alzo mite gevarn vnd geyn vns getan, daz wir ym vnd sinen gnaden vleizziclichen danken, vnd w&llen vnd sullen wir vnd vnser erben keyn vor- derung noch keyn ansprach nymmer mer gehaben noch gewinnen. Dez zu eyme bekentnisse haben wir vnser beider insigel an disen offen brif gehangen, der gegeben ist zu Pyrn nach gotez geburte tusent iar drihundert iar darnach in dem fumf vnd sechczigestem iar an der mitewochen vor sant Margareten tage.

Nach dem Oiig. iin K. Haupt - Staatsarchiv zu Dresden; die Siegel siud abhanden gekommen.