Wir Friderich, Balthazar vnde Wilhelm — bekennen — als wir dem erwir- digen in got vater vnde herrin ern Johanse bisschoffe zcu Mizsen vnserm lieben her- ren vnde frunde sechczig schog guter breiter groschen an vnser stad zcu Lipczk rechter jarbete, die ym sinen . . nachkomelingen vnde sime capitel ab nicht bisschofs were vnde sinen . . getruwenhendern alle jar halb vf sende Michels tag vnde halb vf sende Walpurgen tag sullen geuallin, bewist habin mit andern vnsern brifen, vnde ouch vnser ratismeister vnde burger gemeinlich da selbens zcu Lipczk dem vor- genanten unserm herren ern Johanse bisschoffe zcu Mizsen sinen . . nachkomelingen vnde sime capitel ab nicht bisschofs were vnde sinen getruwenhendern die sechczig schog vorbrifet vnde bestalt habin, daz yn wol daran gnuget, daz wir die obgenanten ratismeistere die rete vnde stad gemeinlichen zcu Lipczk der megenanten sechczig schog alle jar, die wile wir die nicht weder gekouft vnde an vns bracht habin, quiit ledig vnde los gesaget habin vnde sagin mit disem brife ane geuerde. Wer ouch ab wir der vorgenanten vnser stad zcu Lipczk vryheit gegebin adir die rente vnde bete ymande vorwist hettin, wi vil in des geldis denne abeginge, daz globen wir yn gutlichen wedir zcu keren vnde ouch mit yn zcu bestellin, daz yn wol gnuge. Vnde habin des zcu vrkunde vnser furstlich ingesigel an disen brif lazzen hengin. Datum LXIX°. feria secunda post Margaretam.

Item civitas Miszen habet eandem litteram de verbo ad verbum super quinquaginta

sexagenas.

Item civitas Hayn habet dictam litteram de verbo ad verbum super quinquaginta

sexagenas.

Item civitas Torgow habet praedictam litteram de verbo ad verbum super quadraginta sexagenas.

Aus dem Lib. privilegg. march. im K. Haupt - Staatsarchiv zu Dresden XXX. fol. lb.

COD. DIPL. SAX. II. 2.

11

106