Wir her Nicolaus fon gotis gnaden byschof czu MiCin bekennen vnde tun kunt mit dysem keinwertigen offin brieue allen den, die en sehen odir horin lesin, were daz der hochgeborne furste her Wilhelm margreue zcu MiCin vnsir lieber gne- diger herre abeginge ehir, wanne die dirluchte furstynne vnsir liebe gnedige frowe frowe Elizabeth margrauynne czu MiCin, daz goth bedirsiit lange wende, so sullen wir vnde wollen der forgnanten frowen Elizabeth margreuynnen czu MiCin getruwlich dienen vnde yrm lande vnde luten getruwlich behulfin sin kegen allirmenglichim also dicke, also wir des fon den ern dirmant werdin. Ouch sullen alle vnsir sloz die vnsir bystum formag er vnde den ern vffin sin, vnde er dar mit getruwlich behulfin sin kegen weme er des not tut, glicherwis also iz vnsir goczhus selbir antrete. Ouch sal die vorgnante vnsir liebe gnedige frowe vns vnde vnsir goczhus getruwlich schu- czen vnde fortedingen ane arg. Daz wir vorgnanter her Niclaus byschof czu MiCin alle obgeschrebne stucke vnde artikil stete vnde gancz ane geuerde haldin wollen, daz globen wir der hochgebornen furstynnen frowen Elizabeth margrauynnen czu MiCin vnsir lieben gnedigen frowen, vnde globen daz czu orir hant den hochgebornen furstin ern Joste vnde ern Procoppe margreuen czu Mererin, vnde haben des czu

223

warim orkunde vnde merim bekentnisse vnsir ingesegil mit vnserm gutem wizzin vnde willen an dysen brif lazin hengin, der gegeben ist noch gotis geborte driczen- hundirt jar dar noch yn dem sechsvndeaczigestem jare an deme nestin suntage noch dem phingest tage.

Nach dem Orig. im K. Haupt- Staatsarchiv zu Dresden mit dem beschiidigten kleineren Siegel des Bischofs an einem Pergamentstreifen.