Bonifacius episcopus scrvus servorum dei ad perpetuam rei memoriam. Sin- cerae devotionis affectus, quem dilectus filius nobilis vir Wilhclmus senior marchio Misnensis ad nos et Romanam gcrit ecclesiam, promeretur, ut votis suis illis prae- sertim, quae subditorum suorum pacem et tranquillitatem procurare dinoscuntur, quan- tum cum deo possumus favorabiliter annuamus. Sane petitio pro parte dicti marchionis nobis nuper exhibita continebat, quod saepe contingit subditos suos ad diversorum et praecipue studentium in studio Pragensi instantiam coram conservatoribus dilectis filiis scolaribus magistris et doctoribus ipsius studii a sede apostolica dcputatis et non- nullis aliis iudicibus delegatis propter diversas et plerumque frivolas causas extra diocesim ipsarum ad iudicium evocari et plus debito impcti et vexari in ipsorum subditorum praeiudicium non modicum et gravamen. Cum autem sicut cadem petitio subiungebat, iidem sint et erunt semper parati cuilibet coram episcopo Misnensi pro tempore existenti aut eius in spiritualibus vicario seu officiali de iustitia respondere et ibidem stare iuri, pro parte dicti marchionis nobis fuit humiliter supplicatum, ut sibi et subditis suis huiusmodi in praemissis providere de oportuno remedio de benignitate apostolica dignaremur. Nos igitur huiusmodi supplicationibus inclinati auctoritate apostolica tcnorc praesentium cx certa scicntia statuimus ct ordinamus,

293

quod de cetero perpetuis futuris temporibus subditi praefati marchionis et successorum suorum marchionum Misnensium qui erunt pro ad") cuiusvis instantiam et ex quacunque causa coram huiusmodi vel quibuscunque aliis conservatoribus seu iudicibus ordinariis vel delegatis praeterquam coram praefato episcopo vel eius vicario seu officiali huius- modi ad iudicium evocari nequaquam possint aut debeant, dummodo alias episcopus vel vicarius aut officialis praedicti in praemissis negligentes non fuerint vel remissi, districtius inhibentes conservatoribus et aliis iudicibus huiusmodi et quibuscunque aliis quorum interest vel intererit, ne subditos huiusmodi contra praesentium tenorem impetere citare ad iudicium evocare seu alias quoquomodo vexare praesumant, ac decernentes ex nunc irritum et inane, si secus super iis a quoquam quavis auctori- tate scienter vel ignoranter contingerit attemptari. Nulli ergo omnino hominum liceat etc. Datum Romae apud sanctum Petrum XV. Kal. Septembris pontificatus nostri anno duodecimo.

Gratis de mandato domini nostri papae. Jo. Gremis.

Nach einem Transsumt vom 20. Milrz 1404 im K. Haupt- Staatsarchiv zu Dresden.

a) poero ad oder quoad?