Urkundenbuch des Hochstifts Meissen II Band, Nr. 27, S. 68
Urkundenbuch des Hochstifts Meissen II Band, Nr. 27, S. 68


Wir Nickil vnd Vlrich gebrudere genant von Malticz gesessen czu Borsewicz") bekennen offenlich in dissem brife, das wir mit gutem rate vnd vorbedachtim mute vorkouft haben vnd in dissem kegenwertigen brife vorkoufen dem° erbern herren meistir Ditteriche techand vnd der kirchen czu Misne eyne halbe hflfe ackirs, dyc vnsir eldirn vnd wir bis do her haben gehat, dy° do gibt czu cinse alle iar czende- halben groschen breitir, vnd ly^t in deme dorfe czu Gr6bir mit allen nuczen, eren vnd rechten, als wir sy haben gehat, vnd vorczihen vns in dissem kegenwertigen brife vor vns vnd vor vnsir erben alle vnsirs rechten, das wir dar an haben gehat, wye man der genennen mak, vnd wysen den man, der dy" selbe halbe hfife von vns bis her gehabt hat an den vorgenanten herren den techand vnd an dye kirche czu Misne mit allen nuczen vnd rechten, als wir en haben gehat, ane argelist, wen her vns dye selbe halbe hfife mit bereiten phenningen nuczlich vnd gfitlich abe geguldin hat. Ouch gelobe wir in guten truwen, das wir dem° vorgenanten herren, deme techande sullen vnd wollen dye selbe halbe hfife uf lasin vor vnsirm herren dem° markgrafen odir andirs wo, wor her is haben wil. Das wir alle dink als vor- geschriben stehen, stete vnd gancz halden wollen, so gebe wir dor ubir dissen brif mit vnsir beidir insigil beuestit vnd bestetit, der gegeben ist nach Cristi geburt dryczenhundirt jar in deme sechzcigistin jare an sente Petirs vnd Paulis tage der heiligen apostoln. Des vorgeschriben koufes sin geczuge dy erbern wysen herren her Albrecht Knfit, her Conrad Pruze, her Friderich von Milticz czu Budissin, czflm Hayn vnd czu Wurczin probiste, her Johannes von Droynicz, tumhern czu Misne vnd Heynich von Brokticz burger czu Misne vnd ander vromir lute vil vnd gnuk.
Nach dem Orig. im Stiftsarchiv zu Meissen mit den Siegelu des Nic. und Ulr. von Maltitz an Pergament-
streifen.
a) Proschwitz, Par. Zscheila.
31
Urkundenbuch des Hochstifts Meissen II, ed. Gersdorf, 1865 (Google data) 27, in: Monasterium.net, URL <https://www.monasterium.net/mom/StiftMeissenII/c59d1092-4a4d-4d39-be75-426f5ca138b2/charter>, accessed 2025-04-06+02:00
The Charter already exists in the choosen Collection
Please wait copying Charter, dialog will close at success