Johannes de Sleinicz decretorum doctor praepositus ecclesiae Budissinensis Misnensis diocesis et Waltherus de Kokericz archidiaconus Lusaciae in ecclesia Mis- nensi commissarii et executores ad infra scripta a reverendis in Christo patribus et dominis dominis Jacobo Plocensi et Johanni Vaurensi episcopis ac iudicibus commis- sariis et auditoribus per sacrosanctum generale Constantiense concilium in spiritu sancto legitime congregatum causarum ad ipsius sacri generalis concilii cognitionem pertinentium unacum certis suis in hac parte collegis — subdeputati universis et

437 —

singulis ad quos praesentes litterae pervenerint salutem in domino et infrascriptis fidem indubiam firmiter adhibere. Noveritis nos certas litteras commissionum supra- dictorum reverendorum patrum Plocensis et Vaurensis ecclesiarum episcoporum sub suis appensis sigillis per Johannem de Azel clericum Hildesemensis diocesis publicum auctoritate apostolica notarium publicatas — per procuratorem honorabilis viri domini Leutheri de Hoendorff plebani et totius communitatis villae in Godaw Misnensis dio- cesis— praesentatas recepisse huiusmodi sub tenore: Jacobus Plocensis — No. 892 — in fidem praemissorum.

Post quarum quidem litterarum praesentationem fuimus per dicti plebani pro- curatorem et communitatis villae Godaw debita cum instantia et sub poenis in dictis litteris commissionis contentis rogati et requisiti, quatenus ad executionem earundem super relaxatione interdicti et aliorum in dictis litteris contentorum procedere digna- remur iuxta demandatam per eosdem iudices commissarios et auditores et auctoritate dicti Constantiensis concilii formam. Nos vero Johannes praepositus et Waltherus archidiaconus supradicti dictam petitionem ac requisitionem censentes iuri consonam et rationi, et quod iusta petentibus non sit denegandus assensus, super singulis con- tentis in ipsa dictis commissionum nobis factarum litteris inserta petitionis et exposi- tionis cedula inquisitionem et indaginem habuimus diligentem testibus et probationibus legitimis desuper receptis, reperimusque contenta et exposita in eadem petitionis cedula parte supradicti plebani et plebis supradictis iudicibus sacri concilii porrecta plena fulciri veritate ipsamque villam Godaw non esse quoad eius dominium transgressorum inibi narratorum constitutionis synodalis nec alicuius eorum, nec etiam eosdem trans- gressores vel eorum aliquem in ipsa villa morari seu residere, nec personas ipsas per ipsos transgressores laesas et dampnificatas existere nec detineri in eadem villa seu districtu eiusdem, ipsiusque villae parrochianos seu habitatores huiusmodi trans- gressores non receptasse eorumque delicta non rata et grata habuisse nec eisdem consilium auxilium vel favorem publice vel occulte, directe vel indirecte quovis quaesito colore praestasse, seu alias sub constitutione supradicta dicti sacri concilii ullatenus comprehendi, prout haec dicti testes per nos recepti dixerunt et deposuerunt, quantum in sensum cadit humanum et apprehensionem veritatis in dicto loco, quo et iidem testes diu et plurimum conversati sunt, vera notoria et manifesta itaque esse famosa in dicto et aliis locis circumvicinis. Quare post legitimam informationem quantum sufficere videbatur super praedictis habita interdictum ratione huiusmodi constitutionis et spolii supra specificati [per] praedictos episcopos iudices commissarios et auditores iu dictam et alias villas in suis declaratoriis expressas et earum parrochias positum quoad dictam villam Godaw dumtaxat relaxavimus et tulimus, relaxamus et tollimus per litteras praesentes super his decernendo auctoritate dicti sacri concilii ac supra- dictorum iudicum nobis concessa in hac parte, volentes in dicta villa et eius ecclesiis et cappellis divina sollempniter resumi et populo ecclesiastica sacramenta solito more ministrari. In quorum omnium et singulorum fidem et testimonium praesentes litteras sive hoc publicum instrumentum dictam relaxationem interdicti continentes seu conti- nens exinde fieri et per Wenceslaum notarium publicum infrascriptum subscribi et publicari mandavimus nostrorumque sigillorum iussimus appensione communiri. Datum

438

et actum Misnae in loco habitationis venerabilis domini Waltheri archidiaconi supra- dicti sub anno a nativitate domini millesimo CCCCXVI indictione nona die prima mensis Octobris apostolica sede vacante praesentibus ibidem honorabilibus viris dominis magistro Stephano Moir scolastico et canonico ecclesiae Misnensis, Johanne Penis offi- ciali praepositurae Budissinensis et Johanne Bussnig vicario temporali ecclesiae prae- tactae Misnensis testibus ad praemissa vocatis specialiter et rogatis.

Et ego Wenczeslaus HaCe de Belgern clericus Misnensis diocesis publicus sacra imperiali auctoritate notarius, quia praedictarum litterarum praesentationi petitioni inquisitioni interdicti relaxationi omnibusque aliis et singulis dum sic ut praemittitur fierent et agerentur unacum praenominatis | testibus praesens fui eaque sic fieri vidi et audivi, ideo praesens publicum g instrumentum per alium fideliter scriptum exinde confeci publicavi et in §". hanc publicam formam redegi signoque nomine et cognomine meis solitis et consuetis unacum appensione sigillorum venerabilium dominorum . . prae- positi et archidiaconi commissariorum supranominatorum consignavi in fidem et testimonium rogatus et requisitus omnium et singulorum praemissorum.

Nach dem Orig. im K. Haupt-Staatsarchiv zu Dresden mit den Siegeln Johanns von Schleinitz und Walthers von Kdkeritz an Pergamentstreifen.