Nos Nicolaus decanus totumque capitulum ecclesiae Misnensis — volumus esse notum, quod cum honorabilis vir dominus Nicolaus Monetarii noster concanoni- cus in villis Preuda et Prysser") quatuor sexagenas grossorum annuorum reddituum a reverendo in Christo patre ac domino domino Conrado de Ki1chberg olim episco]to Misnensi de nostri capituli consensu propriis suis bonis et pecuniis rite et rationa-

a) Vgl. No. 607 und 030.

213

biliter emisset et comparasset, ac eosdem redditus nobis et eidem nostro capitulo donari et appropriari procurasset, prout haec in aliis litteris desuper datis confectis plenius continentur, et tandem idem dominus Nicolaus praedictos redditus cum suis oblegiis pietatis intuitu ac sincerae devotionis zelo motus ob suae progenitorumque suorum animarum salutem nobis et dicto nostro capitulo pro sollempnisatione festivi- tatis beatae Appolloniae virginis et martyris et observatione sui anniversarii cum maioribus vigiliis et missa defunctorum, postquam de hac vita migraverit, peragendi ac etiam ad alios certos usus infrascriptos perfecta donatione inter vivos pic et devote donasset et obtulisset, nobisque humiliter et attente supplicasset, quatenus huiusmodi suam donationem et oblationem ratas et gratas habere ac ipsius dispositionem et ordinationem infrascriptas super divisione reddituum praedictorum recipere et appro- bare, et ad illarum observantiam nos et successores nostros quoslibet astringere et obligare gratiosius dignaremur. Nos igitur eius devotis et sinceris precibus favora- biliter inclinati, praedictas donationem et oblationem ratas et gratas habentes ipsius dispositionem et ordinationem infrascriptas — recepimus — et ad illarum observantiam nos et successores nostros — obligamus in dei nomine bona fide. Dispositio autem et ordinatio praedictae tales sunt: in festivitate praedicta beatae Appolloniae virginis et martyris in nostra ecclesia cum maiori praepulsatione ac sollempnitatibus aliis sol- lempniter perpetue peragenda, collector dictorum reddituum, qui pro tempore fuerit, dominis canonicis emancipatis et intcgratis in primis vesperis et missa praesentibus quatuor solidos grossorum, pretio custodis pro luminaribus duorum grossorum et quinque hallensium et campanatoris totidem, subeustodis unius grossi, et si extra septuagesimam fuerit cantantis in organis unius grossi, calcantium in eisdem simi- liter unius grossi alias non incluso. Vicariis vero perpetuis et temporalibus similiter praesentibus duos solidos grossorum et infirmis in hospitali dcgentibus loco decimae extra portiones praedictas tres grossos ministrabit. In anniversario vero praedicti domini Nicolai, postquam de hoc medio sublatus fuerit, similiter in nostra ecclesia perpetuis temporibus ut praedicitur cum maioribus vigiliis et missa defunctorum observando idem collector praedictis dominis canonicis in vigilia et in missa praesen- tibus unam sexagenam decima hospitalis et pretio campanatoris videlicet quatuordecim hallensibus inclusis, et vicariis perpetuis et temporalibus similiter praesentibus mediam sexagenam et legentibus missas pro dcfunctis eo die decem grossos ministrabit. Ipso vero domino Nicolao in hac vita posito unam missam pro salute vivorum in crastino beatae Elizabeth sollempniter decantabimus, et dictae ministrationes pro dicto suo anni- versario deputatae in eadem missa praesentibus ministrentur per omnem modum supra tactum, co tamen salvo, quod legentes missas similiter extunc pro salute vivorum legere debeant eo die, dictus etiam collector singulis annis supcr festo beati Michaelis de praedictis redditibus fabricae ecclesiae nostrae unam sexagenam ministrabit et residuum eorundem reddituum, videlicet quinque grossos cum duodecim pullis pro suis laboribus optinebit. In quorum omnium testimonium et fidem pleniorem, praesentes litteras scribi fecimus et maiori nostri capituli sigillo roborari. Datum et actum anno domini millesimo trecentesimo octuagesimo qt1arto vicesima tertia die mensis Septembris.

Nach dem Orig. im Stiftsarchiv zu Meissen mit dem grosseren Siegel des Capitels an einem Pergamentstreifen.

214