In nomine domini amen. Karolus dei gracia Romanorum rex, semper Au gustus et Boemie rex, notum facimus vniuersis, quod accedentes ad nostram pre- senciam fideles et dilecti nostri . . consules ciuitatis nostre Wratislauienses no mine suo et tocius vniuersitatis sue nostre celsitudini humili et deuota precum instancia supplicarunt, quatenus ipsis de benignitate nostra solita, qua ipsos et eandem ciuitatem Wratislauiensem specialibus gracia et fauore complectimur, omnes donaciones, concessiones, inmunitates, libertates, iura, litteras et privilegia graciam et iusticiam continentes ipsis per celebris memorie . . duces et . . prin cipes Wratislauienses, predecessores nostros, a prima locacione et constructione ciuitatis eiusdem et nominatim per clare memorie illustrem Johannem, quondam Boemie regem, genitorem nostrum carissimum, indultas seu indulta approbare, ratificare et confirmare dignaremur; nos igitur eorundem precibus fauorabiliter inclinati, prout de iure tenemur, paternis vestigiis inherere firmiter cupientes supradictis . . ciuibus nostris necnon . . vniuersitati ipsorum et ciuitati predicte omnes donaciones, concessiones, inmunitates, libertates, iura consuetudines, statuta, litteras et priuilegia, prout a predictis . . ducibus et . . principibus Wratisla

173

mensibus, predecessoribus nostris, et a predicto genitore nostro pridem optenta sunt, in omnibus suis tenoribus, clausulis et sentenciis super quibuscumque iuri- bus, graciis vel ceteris materiis sint confecte, tamquam de verbo ad verbum hic forent expressa, de certa nostra sciencia approbamus, ratificamus et de nostre celsitudinis speciali gracia confirmamus; nominatim et expresse pro incolumi et felici statu eiusdem ciuitatis Wratislauiensis, vt felicibus incrementis proficiat, promittimus et spondemus omnes terras Polonie, ciuitates, villas, districtus, opida, castra, municiones, que et quas empcione, expugnacione, 'deuolucione aut alio quouis tytulo conquisierimus, eidem ciuitati et ipsius territorio sub eisdem con- dicionibus, libertatibus et graciis, prout ad nos deuenerint, et demum regno nostro Boemie ad instar eiusdem ciuitatis Wratislauiensis incorporare, adunare et coniun- gere, neque predicta seu aliquid premissorum ab ipsa ciuitate et eius territorio et a corona regni Boemie coniunctim seu diuisim aliqua racione vel causa alie nare, remouere seu quomodolibet sequestrare. Insuper promittimus, quandocum- que requisiti fuerimus per dictos nostros . . consules Wratislauienses (quod) ipsis speciales eorum gracias, libellates, concessiones, consuetudines laudabiles, iura, priuilegia, tam parua quam magna, que vel quas babent a quibuscunque dominis eorum, nostris predecessoribus, de verbo ad verbum specialiter et distincte nostris sigillis et litteris confirmare.

Preterea promittimus omnes et singulos redditus ad ducatum nostrum Wra- tislauiensem spectantes penes ipsum ducatum, vt ex eo . . capitaneus, qui fuerit aut est, ipsam terram eo commodius et forcius gubernare poterit, sine diminucione omnimode conseruare. Sin autem ex obliuione vel importunitate impetrancium quid contrarii attemptatum fuerit, vel si quidquam contra priuilegia, donaciones, iura, laudabiles consuetudines, concessiones, gracias, et libertates supradictas modo qualicunque tacita veritate a nobis vel a nostris successoribus . ., regibus Boemie, fuerit impetratum vel obtentum, illud virtute presencium decernimus irritum, cassum et inane et de regie potestatis plenitudine ex nunc prout ex tunc viribus vacuamus non obstantibus aliquibus litteris vel priuilegiis, concessionibus seu graciis quibuscumque personis, cuiuscunque gradus, preeminencie seu condicionis existant, sub quacunque forma verborum indultis seu indulgendis, quibus virtute presencium de certa nostra sciencia derogamus. Presencium sub nostre maiestatis sigillo testimonio litterarum datum Prage anno domini millesimo trecentesimo quadragesimo octauo, indiccione prima, xi Kalendas Aprilis, regnorum nostrorum anno secundo.

An ecidenen Fäden hängt das grosse Siegel des Königs.