Karolus, dei gracia Romanorum rex, semper Augustus et Boemie rex, notum facimus vniuersis, quod attendentes multiplicia probitatis merita1) dilectorum nobis . . consulum et vniuersitatis ciuium Wratislauiensium, fidelium nostrorum, quibus nostre celsitudini et clare memorie illustri Iohanni, quondam Boemie regi, genitori nostro dilecto, attenta fide et inmote virtutis constancia placuerunt, ad ipsorum profectus et commoda tanto graciosius dignamur intendere, quanto 'id ipsum grata quidem ipsorum obsequia fidelius meruerunt; ideoque animo deli berato non per errorem aut improuide sed sano nostrorum nobilium et procero- rum consilio precedente prefatis consulibus, heredibus et successoribus eorum, qui pro tempore fuerint, et dicte ciuitati Wratislauie imperpetuum forum, daci- onem, empcionem, vendicionem et disposicionem cuiuslibet salis, cuiuscunque speciei consistat, addueti pridem seu imposterum adducendi, necnon libram siue stateram quarumcunque rerum ponderabilium et officium veccionis vasorum, quod wlgo „schrotampt" dicitur, cum omnibus iuribus, vtilitatibus, fructibus, ob- uencionibus et emolumentas spectantibus ad eadem, quibuscunque specialibus seu distinctis vocabulis designan valeant, irreuocabiliter vnimus, incorporamus, inuis- ceramus perpetuis temporibus possidenda pacifice ac in vsus vtiles dicte ciuitatis, prout consulibus, qui pro tempore fuerint, expedire videbitur, racione preuia libere conuertenda inhibentes capitaneo, cancellario et ceteris officiatis Wratislauiensibus, qui pro tempore fuerint, fidelibus nostris, ne prefatos ciues et ciuitatem Wratis- lauiensem aduersus presentis nostre vnicionis, incorporacionis et inuisceracionis indultum impediant aut sinant quomodolibet impediri sub pena indignacionis nostre, quam, qui secus attemptare presumpserint, se cognoscant grauiter incurrisse. Presencium sub nostre maiestatis sigillo testimonio literarum datum Prage anno domini millesimo trecentesimo quinquagesimo secundo, indiccione quinta Ш° Idus Februarii, regnorum nostrorum anno sexto. R.

Per dominum regem Nouiforensis.

Das grosse Siegel des Königs hängt an Pergamentstreifen. 1) Original: mena.