Wir Johannes, von gnaden gotis kunnic zcu Behme vnd graue zcu .Lucem- burg, tun kunt allen dy dysin brif sehen adir horin lesin, das wir han angesehen getruwe dinste vnsir stete Breslow, Nuwenmarkte, Glogou, Gorlicz, Budesin, Ka- mencz, Lubou vnd der zweir stete, dy vnse pfant sin, Strelin vnd Olow, vnd bugnadin sy zcu vride vnd zcu gemache vnsir stete vnd vnsir lande, das welche man in eynir statt, dy vorbenannt sin, mit rechte in dy achte bracht wirt, vmme obilthat, als vmme roub, brant, dwbe, vnd das sich zcu so gethanen sachen czut, das derselbe adir dyselbin, wi vil der werin, in alle den vorgenanthin steten vnd landen, dy dorczu gehorin, in der achte sullen syn, also das dy stat nicht me dorczu tun sulle, do her von erste in dy acht komin ist, wenne das sy brife sendin sal der stat, do dy selbin echtir sint, er sint mer adir eynir, do sal dy

145

selbe stat dyselbin echtir vohin, is sy in der stat adir of dem lande, zcu zcu vuren in der stat gerichte vnd zcu im zcu richten vor der stat richter, noch deme als her in dy achte komin ist. Dorobir wolle wir das vnd gebithin das, das dy vorgenanthen stete an den sachen nymant hindirn sulle by vnsirn huldin. Wer ouch das sache, ab dy vorbeschrebinen echtir ymant huste adir hofte, dy sullen der selbin sache bestandin sin czu lydin, vnd wollen ouch das, das sich dy vor genanthen stete alle vorlobin mit iren brifen, dyse ochte stete vnd gancz czu haldin von dem nesten senthe Michelstag obir czwelf jar, vnd ab keyn vurste sich vorlobin wolle, dyselbe achte czu haldin glichirweise, mit dem sullen si sich ouch desselbin vorbindin vnd vorbrifin. Dorobir czu eynir steten beuestunge gebe wir yn dysin brif mit vnsirm ingesigil vorsigilt, noch gotis geburt tusent drihundert iar in deme nwn vnd drisegistin iare an senthe Lorenczintage.