Wir rathman, scheppfen und burgere gemeine von Wratislaw thuen wissend lich und kunt allen, die diesen brief horen (ge)lesen, das wir durch bete des ede- len fursten, hertzoge Heinriches von Glogau, seinen burgeren der stat zu Glogowe gesant haben diesen brief mit beschriebenen rechte, also als man is in unser stat Wratislaw ymmer me halten soll und von alder zeit bisher zu rechte hat ge halten nach weichbildes rechte.

1. Ob sich landlute unter einander, dy beder syte buzen der stat wichbilde

in anderine rechte gesessin sin, bynnen der stat wichbilde wunden oder totschlege

begehen oder ander unthat, sy sin Polen oder Dutsch, rittere oder rittersone,

1) Diese Rechtssätze bestätigte mit einigen erst in Glogau hinzugefügten Bestimmungen Herzog Heinrich Ш ron Glogau im Jahre 1302, Tzchoppe u. Stenzel S. 443.

41t

muntzmeister oder ir gesinde oder Juden, und wird der verbrecher in der hant haften that gefangen mit gewepenter hand und vor gerichte bracht, das sol der stat richter richten nach der statscheppfcn urteil und rechte. Wird aber der friedebrecher vornichtig, der richtere sol ihn lassen vorheischen ein werbe, ander werbe, dritte werbe by sinem namen, und kommet er nicht vor, sich zu und- redene und rechtes zu pflegene, man verfestet in alzohant.

2. Ist iz auch also, das ein landman einen burgere oder ein burgere eime landmanne binnen der stat wichbilde ein pfert ansprichet, odir was seines gutes si, er si Pole oder Dutsch, und sich iener an seinen geweren ziet und den benumet, vnd derselbe gewero komme vor gerichte, er si ritter oder wer er si, und bekenne der gewerschaft, der muz nach der stat rechte allda vor gerichte bekennen, wie das pferd oder das gut an in komen si. und ziet sich der denne an einen andern geweren, da muss im iener folgen, als er sich vormizzet nach der stat rechte.

3. Sendet auch ein burgere seine pferd zu holtze oder nach grase, die ne sal im niemand unterwegen in eine anderme gerichte aufhalten, er sole den pfer- den nachfolgen in die stat und allda fordern vor_der stat richter nach der stat rechte.

4. Borget ein landman wieder einen burgere icht und entgildet is der land man zu sine gelobeme tage nicht, und kumt in der burgere sint der zeit an in der stat und brenget in vor den richter, er muz im antworten umb die schold vor deme richtere nach der stat rechte.

5. Iz en sal auch diechein Jude besunder verkaufen gewant, das er bi der ellen versnide, he in sol auch weder pferd noch ander ve zu pfande nemen; iz ne [si] mit wizzenschaft eines Juden und eines Christen; uimt he iz daruber, damite hat he im selber recht getan.

Dirre brief ist geschrieben und gegeben in dem iahre nach gottes geburt tusend iar, zweihundert iar und in dem achtzigsten iar, acht tage vor sente Laurentius tage.