In nomine domini amen. Jus scriptum cum laudabili consuetudine tanto firmius teneatur, quanto solidius eidem iuri et consuetudini rerum ventas suffra- gatur; inde est, quod nos Bolczlaus, dei gracia dux Slczie et dominus Wratiz lauie, ad vniuersorum tam presencium quam futurorum noticiam presentis tenore instrumenti cupimus perueuire, quod suborta inter consules et vniuersitatem ciuium ciuitatis Wratizlauie ex parte vna et inter Wernherum Schartelzan, aduo- catum hereditarium ciuitatis eiusdem, et Theodricum, filium suum, ex parte altera materia questionis super diuersis causis, videlicet super edilicacionibus, quas dicti consules et ciues ad eiusdem ciuitatis profectum et commodum infra muros et extra muros siue infra fossata aut extra fossata construxerunt et in posterum construere possunt aut volunt, et super vtilitatibus de pascuis pecorum pro- venientibus et super statuto, quod „innunge" dicitur, et super penis, que inter artifices mechamcos super excessibus specialibus sunt institute, que in wlgari „kuY' dicuntur, siue sint ') [inter] consules, iuratos aut inter institas cramorum aut carni- ficum, pistorum seu inter alios artifices, quocunque nomine censeantur, posite siue facte. Tandem accedente ad hoc nostro beniuolo consensu per arbitros ad hoc electos dicta discordia taliter est sopita, quod prefatus Wernherus et Theodricus pro se et ipsorum successoribus abrenuncciauerunt et cesserunt omnibus iuribus et impeticionibus, que ipsis aut eorum posteris in edificacionibus et construccio- nibus, que dicti consules et ciues fecerunt vel in posterum facere possunt tam extra fossata et muros quam intra fossata et muros ciuitatis prelibate, et iuribus, que „innunge" aut „kür" dicuntur, positis inter consules aut alios operarios et vtilitatibus de pascuis pecorum prouenientibus preter iudicium, quod in eisdem pascuis ad ipsos pertinet et ad ciuitatem iudicandum et omnibus penis inpositis aut inponendis, que „kür" dicuntur, inter consules et iuratos artifices et inter institas et cramos dicte ciuitatis, quod in premissis omnibus nulla iura debent petere aut inquirrere (!) nec in perpetuum aliqualiter vendicare (!) et prehabitam ciuitatem in omnibus suis nuncmam verbo aut opere inpedire. Et si prenominati 1) sint fehlt bei Tzschoppe u. Stemel

75

Wernherus et Theodricus aliquod forsitam inposterum instrumentum aut priuilegium siue exhibere aut monstrare possent vel eorum successores, quod presenti abrenunccia- cioni et cessioni posset preiudicium aut obstaculum generare, eidem priuilegio et instrumento ex forma arbitrii et compromissi cedunt et abrenuncciant, quod nullius perpetuo sint momenti. Et ex dictorum arbitrio arbitrorum similiter est pro- latum, quod vnus tantummodo aduocatus siue iudex hereditarius in ciuitate Wratizlauie esse debet, qui solum nudum tercium denarium de iudicio obtinebit. Omnes eciam, qui racione huiusmodi dissensionis suspecti habebantur ab ipsis Wernhero et Theodrico aut eorum successoribus nullius inimicicie aut controuersie suspicionem aut contrarietatem paciantur. Et inter ciues et consules ciuitatis Wratizlauie et inter ciues de noua ciuitate non debent aliquas controuersias aut inimicicias suscitare nec manutcnere super dampnum aut periculum ciuitatis vel consulum predictorum. In huius rei testimonium presentes litteras cum nostro sigillo duximus consignandas. Actum Wratizlauie anno domini millesimo trecen- tesimo sexto tercio decimo Kalendas Marcii presentibus nostris lidelibus Alberto Bart, Rudgero de Hugewicz, Gisilhero Kolneri, Sandrone, genero suo, Radachone, Bronizlao Budewoii et arbitris ad hoc electis, qui tunc consules ciuitatis exsti- terunt, Hermanno de Mulnheim, Hermanno, genero quondam Zacharie, Arnoldo de Swidenicz, Conrado antiquo Plessil, Gisilberto de Swidenicz, Brunone Herdeni, Conrado Schartelzan et Brunone de Olsnicz, Conrado iuuene Plessil, Theodrico antiquo Schartelzan et Friczchone, nostro prothonotario, decano Glogouiensi et canonico Wratizlauiensi, cuius manibus presencia conscribuntur. Das Siegel ist verloren.