XLVII.

Honorius episcopus seruus seruorum dei dilectis filiis vniuersis abbatibus et conuentibus Cisterciensis ordinis salutem et apostolicam

60

benedietionem. Cum preter pauperem uictum uestrum omnia bona uestra hospitalitati et aliis piis operibus officiosissime sint exposita, satis inhumane aliis auferri uidetur egenis, quicquid a uobis uiolentia uel ingenio extorquetur. Nee, quia dominus manuum uestrarum operi bus benedicens uiaticum peregrinationis uestre, quanto magis illud fraterna caritate in usus pauperum distribuitis, tanto magis celesti alluuione multiplicat, estis deferioris conditionis habendi sed potius meliores, cum non nisi uasis paratis celestis gratie oleum infundatur, quod pauperis mulieris deficientibus uasis stetit. Licet igitur largiente domino monasteria uestra plus solito temporalium floreant ubertate, quia tamen exinde pauperibus uberius subuenitur, nos uolentes eo uos de speciali gratia fauorabilius confouere, quo exinde illi propensius complacere nos credimus, qui, quod uni ex minimis suis St, sibi repu- tat esse factum, deuotionis uestre precibus inclinati, auctoritate uobis presentium indulgemus, ne apostolice sedis legati procurationes pecu niarias a monasteriis uestris exigere uel extorquere presumant, sed, cum ad domos uestras accesserint, sine carnium esu cibis regulaiïbus sint contenti. Nulli ergo omnino hominum liceat, hanc paginam nostre concessionis infringere, uel ei ausu temerario contraire. Si quis autem hoc attemptare presumpserit, indignationem omnipotentis dei et bea- torum Petri et Pauli apostolorum eius se nouerit incursurum. Datum Laterani V? idus Februarii, pontificatus nostri anno sexto.

Original auf Pergament mit Bleibulle.