LXXIII.

•

In dem namen der heyligen vnd ewigen driualtichayt. Dehayn versach schol nicht wenden, swas man begint in gotes lob vnd eren ze volenden. Dar vm ich Pylgreim der Walich yergich vnd offen an disem prief allen den, di in sehent oder horent lesen, di no lebentich sint oder noch chunftich werdent, daz ich mit guetem willen vnd warer verrichtichayt meiner sinne vnd auch mit guetley- chem willen vnd verhanchnusse meiner lieben hausvrowen vron So- pheyn gegeben han mein weingarten ze Goboltzpurch in dem Geren, des ein halber jevch ist, vnser vrowen vnd der ersamen sampnunge ze Hohenfuert reht vnd redleychen noch meinem tod vnd noch meiner vorgenanten hausvrowen tod mit allem dem recht vnd ich in ze meines leibes vrist inne han. Vnd weger des vnd wil auch daz, daz der ebenant weingart mit allem dem nuez vnd da van jerleichen chomen mach noch meinem tod vnd noch meiner egenanten haus vrowen tod schol dienen vnd warten der vorgeschriben sampnunge in den refent ze einer pezzerung irer phruent. Ich han auch mir erweit mein begrabnusse mit sampt meiner hausvrowen, div des selben auch gert von herczen, datz dem oft genanten goteshaus ze Hohenfuert. Vnd daz di red meines vorbenanten selgeretes stet vnd vnzebrochen beleihe, dar vber han ich haizzen schreiben disen prief versigelten mit meinem hangunden insygel vnd mit der erbervu beut insigel, hern Tietreychs von Harach vnd hern Seybotes des Sweinpekchen, der ze den selben zeyten in der Riedmarch lant- richter was. Der prief ist gegeben da von Christes geburde waren ergangen drevtzehenhundert jar dar npch in dem oechtundzwain- gystem jar ze bluem osteren.

Drei ziemlich gut erhaltene kleine, an Pergamentstreifen hängende Siegel ¡n weissem Wachs. — a} Ein Schild mit einem etwas unkenntlichen Zeichen, welches aber dem der Harach sehr ähnelt. — -j- S. Pilgrimi. Latini. b) Ein Schild mit drei Pfauenfedern. — f S. Diettri . De . Harach . c) Ein Schild mit dem Bildniss einer Sau. — -j- S. Sib . . . Swenpechonis.

75