CXLVIII.

Nos Anna de Lipa tenore presencium publice recognoscimus vniuersis, quod matura deliberacione prehabita ac nostrorum amico- rum de consilio et consensu rite et legitime ac iusto vendicionis tytulo vendidimus necnon vendimus per presentes discreto clienti Marquardo dicto Metlyn suis heredibus et suceessoribus vniuersis villam nostram dictam Bukausk cum omnibus et singulis ad ipsam spectantibus, videlicet siluis pratis pascuis aquis venacionibus pisca- tionibus agris cultis et incultis plenoqite dominio ad eandem perti nente, per ipsos tenendam et habendam in antea perpetuis tempori- bus. libere et hereditarie possidendam, pro ducentis etsexaginta sex sexagenis grossorum Pragensium, quas quidem pecunias nos perce- pisse fatemur integraliter et in toto, prominentes dictis Marquardo heredibus et suceessoribus suis vna cum fideiussoribus nostris fra- tribus dominis Vlrico et Hermanno de Nouadomo prefatam villam.a quolibet homine ipsam impetente secundum conswetudinem regni Bohemie disbrigare. Nos vero Vlricus et Hermannus fratres de Nouadomo recognoscimus, nos fore veros et legitimos dicte ville in Bukausk disbrigatores, in casu autem, vbi pretactam villam, ut pre- fertur, non disbrigaremus secundum conswetudinem regni Bohemye, extunc pertinentie siugule et vniuersi dicte ville, quantum se exten- dunt, tantum dicto Marquardo heredibus et suceessoribus suis in nostra libera hereditate et plus tercie partis in augmento debemus condescendere tam diu, quousque diclis Marquardo heredibus et suis suceessoribus dictam villam cum omnibus suis pertinentiis, vt pre- mittitur, debite et finaliter disbrigemus; quod si non faceremus, extunc quandocumque per predictum Marquardum heredes seu suos successores moniti fuerimus, tune quilibet nostrum vna cum prefata

172

domina Anna sorore nostra viium clientem honestum cum vno famulo et duobus equis loco nostri in ciuitatem Budways ad obstagium mit- tere debemus ad hospitem per pretactum Marquardum heredes et successores suos nobis deputatum, ibidem obstagiaturi et abinde non exire, quousque sepefatis Marquardo heredibus et suis successoribus plenarie fuerit satisfactum. Elapsis vero quatuordecim diebus nobis obstagiantibus uel non tune predictus Marquardus heredes aut sui successores plenam et omnimodam habent potestatem, prefatas du- centas et sexaginta sex sexagenas cum augmento tercie partis, prout superius est expressum, conquirere inter Christianos vel Judeos; nostrum super dampnum et omne dampnum, quod ex eo perciperent, promittimus ipsis plene et totaliter resarcire. Et quicumque hanc litteram de prefati Marquardi heredum et successorum suorum bona habuerit voluntate, eidem competitjus omnium premissorum. In cuius rei robur et euidens testimonium nos Anna Vlricus et Hermannus prescripti sigilla nostra presentibus duximus appendenda. Datum anno domini millesimo trecentesimo septuagesimo septimo in vigilia beati Jacobi apostoli.

Drei kleine, an Pergamentstreifen befestigte Siegel in rothem Wachs. — a} Auf einem dreieckigen Schilde zwei kreuzweise gelegte Zweige. — 'j- S. Anne . De . Lipe. b) Einen Schild, worauf eine fünfblättrige Rose, bedeckt ein mit einer Rose gezierter Helm; auf der rechten Seite des Siegels ist ein W und darüber eine Krone mit vier Zinken. — -j- S . Vllrici . Ivvenis . De . No- vadomo. c) Einen leeren dreieckigen Schild deckt ein Helm mit einer fünf blättrigen Rose; der Grund ist mit Kreuzchen ausgefüllt. — -j- S . Hermanni. D . Noyadomo.